ناڤ: لەیلا
ناسناڤ: لەیلا ئامەد
ساڵا ژ دایکبوونێ: 1982
ڕۆژا مرنێ:#22-01-2023#
جهێ ژ دایکبوونێ: #ئامەد#
جهێ مرنێ: هەرێما بەستا
$ژیاننامە$
د سالا 1982ێ دە ل ئامەد، باژێرۆکێ بسملێ ژ دایک بوویە. هەر د زارۆکیدە ئافرەتەکە کورد پەروەر و نەتەوە دوست بییە، د ژیێ 11 ساڵیدە و د سالا 1993ێ دە تەڤلی پەکەکێ بوو. لەیلا ئامەد چەند ساڵەکان ل هەرێما بۆتانێ خەبات کرییە و وەکە فەرماندارەکە هەری بلند یا پەکەکێ تێ ناسکرن، ئامەد پشتی سالا 2006ێ د ڕێڤەبەریا ژنان دە جﮪ گرت، پشترە ئەرکێن پایەبلند وەرگرتن. هاتە زانین کو د ناڤا کۆنسەیا فەرمانداریێ یا هەپەگێ کو ژ 11 کەسان پێک تێ، جهێ خوە دگرت. هەر وها تێ گۆتن کو لەیلا ئامەد ئەنداما کۆمیتەیا ناڤەندی یا پەکەکێ و کۆنسەیا ڕێڤەبەرا پارتیا ئازادییا ژنێن کوردستانێ ژی بوویە.
پشتی «هۆلیا ئەرۆگلو» ب ناڤێ کۆد دەلال ئامەد کو وێ ژی ل بەستایێ ژیانا خوە ژ دەست دایی، ئەڤ جارا دویەمە د ڤێ ئاستا هەری بلند دە فەرماندارەکا ژن ئانگۆ «لەیلا ئامەد» ژیانا خوە ژ دەست ددە.
«لەیلا ئامەد» ب تایبەتی د شەر دە کەسەکی خوەدی ئەزموون و تەجرووبە بوو. ل مەیدانا بۆتانێ د کاری فەرمانداریێ بکە.
چاڤکانیێن نێزی پەکەکێ دیار کرن کو لەیلا ئامەد ژ سالا 2019ێ ل مەیدانا بۆتانێ ل گەل گرووپەکی بچووک دما. هەروها چاڤکانیێن نێزی پەکەکێ ژی د وێ باوەریێ دە نە کو پشتی لەیلا ئامەد پڕ زەحمەتە کو #هەپەگە# بکارە د ڤێ ئاستێ دە فەرماندارەکێ بشینە هەرێما بۆتانێ.
هات ڕاگهاندن کو د 22/01/2023ێ دە ل هەرێما بەستا یا سەر ب شرنەخێ ڤە، یەکینەیەکا ژ 7 کەسان کو لەیلا ئامەد ژی د ناڤ دە یە، ژیانا خوە ژ دەست دا نە.
هەرێما بەستا ژ سالا 1982ێ وەکە بارەگەها سەرەکە یا پەکەکێ ل باکور تێ بکارئانین. جارا یەکەم تەڤلیبوونا شەرێ چەکداری بۆ پەکەکێ ژ دەڤەرا بەستا گوندێ «ئۆمیانوس» چێبوویە. هەرێمەکە پر دارستان و بەرفەرەهە. ژ سالا 1990ێ ژ ئالیێ پەکەکێ ڤە وەکە «هەرێما ئازادکری» هاتبوو ئیلانکرن. هەرێما بەستا ب سالان جهێ بریارگەها بۆتانێ بوو و هەموو سازییێن وەکە لۆژیستیکی، پەروەردە، نەخوەشخانە و دەزگەهێن خوەجﮪ ل ور دمان.
ئەڤ هەرێما ستراتەژیک پشتی سالا 2015ێ و بوویە هەرێمەک کو پەکەکە تێدە نکارە خوەراگرە و هەما بێژە تێدە نەمایە. نها بۆ وەرزێ زڤستانێ تەنێ یەکینەیێن 8-10 کەسی د کارن ستارە ببن. هاڤینێ ژی تیمێن 3-4 کەسی وەکە گەرۆک ل هەرێمێ دمینن. چالاکیێن لەشکەری قەد نکارن بکن. بەستا ل سالێن 1990 وارگەها لیوایێن گەریلا بوو. لێ نوکە ڤەگەرییا 44 سال بەرێ چاوا کو پەکەکە ب تیمێن 3-4 کەسی و پر ڤەشارتی دگەرییا نها ژی ب وی شێوازی دکارن خوە بپارێزن. پەکەکێ وەکە هەموو ئەیالەتێن باکورێ کوردستانێ ل باستا ژی شکەستنەکە مەزن خوارییە.
هەر چەند پەکەکە ب بەردەوامی بەحسا سەرکەفتنا خوە یا د شەر دە دکە، لێ گەریلایێن پەکەکێ یێن ل باکورێ کوردستانێ ژ سالا 2015ێ هەتا نها د ناڤا بەربژێر چوونێ ڤەنە و هاتنە ئاستا قەدیانێ. نها گەلەک هەرێم، دەڤەر و ئەیالەتێن باکوور ڤالانە.[1]