#یەکێتیی نیشتمانیی کوردستان#، لە ڕێگەی #قوباد تاڵەبانی# جێگری سەرۆکی حکومەت هۆشداری داوەتە #ڕێواز فایەق# سەرۆکی پەڕڵەمان و #شێخ جەعفەر# شێخ مستەفا جێگری سەرۆکی هەرێمی کوردستان.
هۆشدارییەکە پەیوەندی بە ئەگەری گەڕانەوەیان هەبووە بۆ سەر کارەکانیان لە پەڕڵەمان و سەرۆکایەتی هەرێمی کوردستان.
لە هۆشدارییەکەدا جەختکراوەتەوە، ڕێواز فایەق وەک سەرۆکی پەڕڵەمان و شێخ جەعفەریش وەک جێگری سەرۆکی هەرێم، دەبێت پابەندبن بە بڕیاری یەکێتی، کە بایکۆتکردنی کار و چالاکییەکانی سەرۆکایەتی هەرێم و ئەنجامنەدانی کۆبوونەوەی پەڕڵەمانی کوردستانە.
ئەو هۆشدارییە دوای ئەوە بووە، کە هەریەکە لە ڕێواز فایەق و شێخ جەعفەر، داوایان کردووە، وەک یەکێتی بگەڕێنەوە سەر کارەکانیان لە سێ سەرۆکایەتییەکەی هەرێم و کۆتایی بە بایکۆت بهێنن. [1]