#بېسارانی#
سای سەهەند سەنگ، سای سەهەند سەنگ
سوبحدەم وەشەن سای سەهەند سەنگ
بەڵام بە شەرتێ، ڕەقیبی بەد ڕەنگ
نەگنۊنە وەنەت فەرسەنگ بە فەرسەنگ
چەنی دۊسی وېت، بنیشی بە شاد
وېیەردەی ساڵان، باوەری وە یاد
گا نېیاز جە تۊ، گا ناز جە دڵبەر
تۊ پەی ئەو سۊزان، ئەو جە تۊ بەتەر
هەر تا کە عومرت یاوۊ بە ئەنجام
نە سای ئەو سەنگدا بوېیاری بە کام
ئیدەن سەرمایەی ئەی دنیای فانی
ماباقی پۊچەن، هەر چېو مەزانی
[1]