#بافڵ تاڵەبانی#، سەرۆکی #یەکێتیی نیشتمانیی کوردستان# لە ماڵی مام لە #بەغدا# پێشوازی لە سابت محەمەد سەعید عەباسی، وەزیری بەرگری ئێراق کرد.
لە کۆبوونەوەکەدا #خالید شوانی# ئەندامی مەکتەبی سیاسی و هەرێم کەمال ئاغا ئەندامی سەرکردایەتی ئامادەبوون دۆخی ئەمنیی وڵات و ناوچە دابڕێندراوەکان، ڕووبەڕووبوونەوەی تیرۆر و چالاکترکردنی ژوورە هاوبەشە سەربازییەکان گفتوگۆی لەبارەوەکرا و فراوانکردنی هەماهەنگییە سەربازی و هەواڵگرییەکان لەپێناو پاراستنی سەقامگیری جەختیلێکرایەوە.
لەبەرانبەردا بافڵ تاڵەبانی ستایشی هێزە نیشتمانییەکانی کرد لەبەرانبەر هەوڵ و ماندووبوونی بەردەوامیان بۆ پاراستنی ژیانی هاووڵاتیان و ڕایگەیاند، بەردەوامی و فراوانکردنی هەماهەنگییەکانی نێوان هەردوولا فاکتەرێکی گرنگی پاراستنی ئارامییە و دەتوانین ڕێگە لەهەر مەرامێک بگرین کە دەیەوێت سەقامگیری وڵاتەکەمان تێکبدات. [1]