ئەو شاندەی ئەمریکا سەردانی #بەغدا#یان کرد، داوایان لە محەمەد شەیاع سوودانی سەرۆک وەزیرانی ئێراق کردووە، نێوەنگیری لەنێوان #پارتی دیموکراتی کوردستان# و #یەکێتیی نیشتمانیی کوردستان# بکات.
ئەو شاندەی ئەمریکا هەفتەی ڕابردوو سەردانی بەغدا و #هەولێر#یان کرد، لە بارەی کێشەکانی پارتی و یەکێتی گفتوگۆیان لەگەڵ بەرپرسانی ئێراق و هەرێمیش کردووە.
شاندەکە لە کۆبوونەوەیان لەگەڵ محەمەد شەیاع سوودانی داوایان کردووە، ڕۆڵی نێوەندگیر لەنێوان پارتی و یەکێتی بگێڕێت و هاوکاربێت لە چارەسەری کێشەکانی نێوان ئەو دوو حیزبە.
ئەو شاندەی ئەمریکا ئەوەیان باس کردووە، کە لەگەڵ تێکچوونی دۆخی هەرێم نین و ناشیانەوێت بەغدا ببێتە لایەنگری لایەک لە دژی لایەکی تر، بۆ ئەوەی هاوسەنگیی سیاسی لە هەولێر تێکنەچێت. [1]