#بېسارانی#
دڵ- زەبۇنە وېم، دڵ-زەبۇنە وېم
ڕەنگ زەرد و زایېف، دڵ-زەبۇنە وېم
نە چای بېئامان، سەرنگۇنە وېم
ئاوارەی وڵات تەنجە و تۇنە وېم
تەن خەمیدەی بار، مەلامەتە وېم
شەرمەندەی ڕۊی حەشر قېیامەتە وېم
یانەی دڵ سەیلات خەمان ڕەفتە وېم
کزەی جەرگ وە گۊش وۍ شنەفتە وېم
بە کۇرەی هېجران، دڵ جۊشېیای وېم
بە باڵا کاڵای خەمپۊشېیای وېم
گۊش کەڕ و زوان لاڵ، چەم بېنۇرە وېم
چۇن مەجنۇن شەیدا جە لەیل دۇرە وېم
یە گشت جە نەدین، دۇر وڵاتە وېم
دۇریش، ڕەستاخېز عەرەساتە وېم
[1]