بەڕێوەبەرایەتی ئاساییشی #سلێمانی# بڵاویکردووەتەوە، کاتژمێر 7:30 ی ئەمشەو #06-01-2023# گەنجێک بە ناوی #ڕێبین خالید# لە کافتریایەکی نزیک پردی خەسرەوخاڵ لە شەقامی سالم کە کارمەندی کافتریاکە بووە لە لایەن کەسێکەوە بە چەکی جۆری ( دەمانچە ) تەقەی لێدەکرێت و گیان لەدەست دەدات.
ئەوەش هاتووە، پاش وەرگرتنی ڕەزامەندی دادوەر دەستکرا بە لێکۆڵینەوەی ورد لە ڕووداوەکە و دەستکەوتنی سەرەداو لەسەر هەڵاتنی بکوژەکە بۆ دەرەوەی شاری سلێمانی .
ئاساییشی سلێمانی بڵاویکردووەتەوە: هێزەکانمان بە هاوکاری بەڕێوەبەرایەتی ئاساییشی #گەرمیان# توانیان کەمتر لە دوو کاتژمێر تۆمەتباری ڕووداوەکە دەستگیر بکەن و ڕووبەڕووی یاسای بکەنەوە، بەپێی لێکوڵینەوە سەرەتاییەکان دەردەکەوێت کە ڕووداوەکە بەهۆی کێشەی کۆمەڵایەتیەوە بووە. [1]