بە بۆنەی جەژنی سێ ڕۆژەی یاران (قەوڵتاس) ، پیرۆزباییەکی گەرم ئاڕاستەی خوشک برایانی کاکەیی و گشت یارسانەکان لە هەرێمی کوردستان و ئێڕاق و جیهان دەکەم، هیوادارم جەژنێکی ئارام و پیرۆز بەسەر ببەن و ببێتە مایەی دڵخۆشی و دڵنەوایی دڵەکانیان و قبووڵ بوونی نزا و ڕۆژووەکانیان.
خوشک و برا کاکەییەکانمان پێکهاتەیەکی گرنگ و ڕەسەنی گەلی کوردستانن لە ناوچەکەماندا، هەمیشە ڕۆڵی بەرچاویان هەبووە لە بزووتنەوەی ڕزگاریخوازی گەلی کوردستاندا، هاوبەشێکی کارا بوونە لە بەرەوپیشچوونەکان و پاراستنی سەقامگیریی ئاشتیی کۆمەڵایەتیی و ژیانی پێکەوەیی و یەکترقبووڵکردن لە هەرێمەکەمان.
دووبارە جەژنتان پیرۆز، هەمیشە لە خۆشی و کامەرانیدا بن. [1]
#شێخ جەعفەر# شێخ مستەفا
جێگری سەرۆکی هەرێمی کوردستان
#07-01-2023#