ئەمڕۆ شەممە 31ی کانوونی یەکەمی 2022، #مەسرور بارزانی#، سەرۆکی حکومەتی هەرێمی کوردستان لە تۆڕی کۆمەڵایەتیی تویتەر پەیامێکی لەبارەی هێرشکردنە سەر کچێک لە ناوچەی #هوانە#ی شاری #سلێمانی# بڵاوکردەوە.
لە پەیامەکەی سەرۆکی حکومەتی هەرێمی کوردستاندا هاتووە، (پەلاماردانی بە کۆمەڵ بۆ سەر کچێکی گەنج، لە کاتێکدا دەبوایە بۆ ئاهەنگی سەری ساڵی نوێی زایینی کۆببوونایەوە، جێگەی شەرمەزارییە، هیچ بیانوویەکی بۆ نییە و بەهیچ شێوەیەکیش قبوڵکراو نییە).
هەروەها سەرۆکی حکومەت ڕایگەیاند، (لەگەڵ هەردوو وەزیری ناوخۆ و دادی حکومەتی هەرێمی کوردستان قسەم کردووە بۆ دەستپێکردنی لێکۆڵینەوە لە و ڕووداوە و بە سزا گەیاندنی ئەو کەسانەی دەستیان لەو تاوانە هەبووه). [1]