شەهید ئەنوەر مایی
خەباتکەر و هەلبەستڤان و دیرووکنڤیس و ڕۆژنامەڤان وسیاسیێ مەزن
- ئەنوەر محمد تاهر عبدالرحمن مایی لساڵا 1913 ل گوندێ مایێ دەڤەرا کانیماسێ هاتیە دنیایێ.
- خواندنا سەرەتایی ل بامەڕنێ خواندیە.
- پاشی دەست ب خواندنا دبستانێن ئایینی کریە و لساڵا 1936 بەڵگەناما مەڵاتیێ ژ دەستێ مفتیێ ئامێدیێ شکری ئەفەندی وەرگرتیە.
- چەند ساڵەکا مەلاتی کریە، پاشی دەست ژ وی کاری بەردایە.
- ساڵا 1938 ل بەغدا ئەزموونێن مامۆستایێ کرینە و بوویە مامۆستایێ عەرەبی و ئایینێ.
- لساڵا 1939 بوویە مامۆستا ل شێروان سەر ب قەزا مێرگەسۆرێ ڤە.
- لساڵا 1940 هاتیە ڤەگوهاستن بۆ گوندێ بارزان.
- ل وان ساڵێن ل شێروان و بارزان وی پەیوەندیەکا موکوم لگەل شێخ ئەحمەدێ بارزان و بارزانیێ نەمر چێکریە و بوویە چالاکڤانەکێ نێزیکی وان ژ بۆ دۆزا کوردستانێ.
- لساڵا 1941 ژبەر چالاکیێن وی یێن سیاسی ژ مامۆستاییێ ڤەگوهاستیە دەزگایێ خوراکێ ( تەموینێ ) ل ئامێدیێ و پاشی ژی هاتە ڤەگوهاستن بۆ شێخان و تا 1945 لسەر وی کاری بەردەوام بوو.
- لساڵا 1959 وەک سەرۆک شاندەکێ کوردا ب جلێن کوردی چوو وەڵاتێ چینێ و ل وێرێ گەلەک چالاکیێن سیاسی و کولتووری ئەنجامدان ژ بۆ ناساندنا دۆزا کوردستانێ و ژ وان ژی گەلەک سمینار ل وێرێ گێران.
- هەر لساڵا 1959 ل مۆسل بهەڤکاری لگەل جەرجیس فتح اللە کۆڤارا ( ڕاستی- الحقیقە ) ب کوردی و عەرەبی دەرێخستن.
- دیسان دەمێ ل بەغدا ژی ئێک بوو ژ دەستەکا نڤیسەرێن کۆڤارا ( ڕۆناهی- النور ) کو دیسان ب کوردی و عەرەبی دەردکەت.
- دەستەکی بالا هەبوو دنڤیسینا هەلبەست، دیرووک، ڕۆژنامەڤانی و شرۆڤێن سیاسی و نڤیسێن خوە پرانی ب ناڤێ ( لاوێ چیا ) ل کۆڤار و ڕۆژنامان بەلاڤ دکرن.
- ژبەر چالاکیێن خوە یێن ڕۆشنبیری و سیاسی گەلەک جارا بدەستێ داگیرکەرێن عەرەب هاتە زیندانکرن و دوورخستن.
- ژبەرهەمێن وی یێن بەرچاڤ پەرتووکەکا هەلبەستان و دیسان پەرتووکا وی یا دیرووکیا بناڤودەنگ ( الاکراد فی بهدینان ) کو لساڵا 1960 ل مۆسل چاپ بوویە.
- پەرتووکا الفردوس المجهول کو دەستنڤیسە و هێشتا نەهاتیە چاپکرن لساڵا 1952 نڤێسیە.
- ئەنوەر مایی ل دەستپێکا شوڕشا ئەیلولێ دبیتە پێشمەرگە و کادرەکێ شورشێ یێ هەری چالاک و بەرچاڤ و لساڵا 1963 د دەمەکی دا لەشکەرێ هەردوو ڕژێمێن داگیرکەرێن ئیراق و سوریێ و ب پشتەڤانی و هەماهەنگیا هەردوو ڕژێمێن داگیرکەرێن ترکی و ئیرانێ هێرش کرە سەر کوردستانێ و ب تایبەت دەڤەرا بەهدینان، ئەنوەر مایی د وێ هێرشێ دا ل نێزیکی گوندێ سکرینێ ل دەڤەرا سەرسنکێ ب بۆمبارانا فرۆکێن داگیرەکەران شەهید دبیت.[1]