$باکووری کوردستان$
- هێزە سەربازییەکانی ڕژێمی تورک هەڵیان کوتایە سەر گوندەکانی سەر بە ناوچەی ڕێزان و پەیاس و چناری سەر بە #ئامەد# و لە ئەنجامی ئەو ئۆپڕاسیۆنەدا زیاتر لە 13 هاوڵاتی دەسگیر کران.[1]
$باشووری کوردستان$
- وەکو کاردانەوە بەرامبەر دەرکردنی فەرمانی دەستگیرکردن دژی سەرۆکەکەی، بەرەی عەرەبی یەکگرتوو لە #کەرکووک# هۆشداری دەدات لە تێکدانی ئاسایشی کۆمەڵایەتی شارەکە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/374856/0023.JPG=KTML_ImageCaption_Title=بەشێک لە بازاڕی قەیسەریی کفری بەهۆی بارانبارینەوە دادەڕمێت=KTML_ImageCaption_CaptionStyle=000000=KTML_ImageCaption_Caption=بەشێک لە بازاڕی قەیسەریی کفری بەهۆی بارانبارینەوە دادەڕمێت=KTML_ImageCaption_End=
- ژمارەیەکی بەرچاوی میدیای عێراق و ناوچەکە بە بایەخەوە وتارەکەی #مەسرور بارزانی#، سەرۆکی حکوومەتی هەرێمی کوردستان بڵاودەکەنەوە کە بە بۆنەی تێپەڕبوونی 100 ڕۆژ بەسەر کارکردنی کابینەی نۆیەم پێشکەشی کرد و دەستکەوتەکانی حکوومەتی بۆ هاووڵاتیانی کوردستان خستەڕوو.[3]
- هەڵمەتی کۆکردنەوەی ئیمزا بۆ پاراستنی گەڕەکە کلتورییەکانی شاری #سلێمانی# دەستیپێکرد.[4]
- لە چوارچێوەی چالاکییەکانی تایبەت بە ڕۆژی مافی مرۆڤ و دژی ئەو کۆمەڵکوژییەی دووی ئەم مانگە، سوپای داگیرکەریی تورکیا لە تل ڕفعەت ئەنجامیدا، کە بووە هۆی شەهیدبوونی 10 کەس و برینداربوونی 10 کەسی دیکە، کە زۆرینەیان منداڵ بوون، ئەمڕۆ ژمارەیەک لە هاوڵاتیانی شاری #هەڵەبجە# لەبەردەم نوسینگەی مافی مرۆڤ لە شاری هەڵەبجە گردبوونەوە.[5]
- لەسەر سکاڵای سەرۆکی #زانکۆی سلێمانی#، ڕۆژنامەنووس #شوان عادل# دەستگیرکرا.[5]
- مایڵز کاگینز، گوتەبێژی هاوپەیمانیی نێودەوڵەتی دژی #داعش# لە چاوپێکەوتنێکدا لەگەڵ سەنتەری ڕۆژهەڵاتی ناوەڕاست بۆ ڕاپۆرت و شرۆڤە دەڵێت، زیاتر لە 100 هەمەری سەربازی و ژمارەیەک پارچەی کەرەستە سەربازییەکان و هاوەن و فیشەک و بێتەل دەدەنە هێزەکانی پێشمەرگە.[6]
- لە میانەی هەڵمەتی 16 ڕۆژەی بەرەنگاربوونەوەی توندوتیژی دژی ژنان، سەنتەری یەکسانی جێندەری #زانکۆی هەڵەبجە#، دیداری ژنانی شایستەی بۆ 5 ژنی بەتوانای شارەکە لەژێر ناونیشانیمن دەتوانم بەڕێوەبرد. دیدارەکە بۆ هەریەک لە دکتۆرە مهاباد کامیل سەرۆکی زانکۆی هەڵەبجە، دادوەر سۆزان حەمەشەریف، دادوەر لەدادگای بەرایی هەڵەبجە، دادوەر شەونم محێدین دادوەر لەدادگای بەرای هەڵەبجە، دکتۆرە هەتاو حەمە ساڵح مامۆستای زانکۆی هەڵەبجە و پارێزەر شۆخان حەمەڕەشید سەرۆکی ڕێکخراوی هاریکاری یاسایی ژنان ساز درابوو.[5]
- شەوی ڕابردوو، بەشێک لە بازاڕی قەیسەریی #کفری# بەهۆی بارانبارینەوە دادەڕمێت.[6]
$رۆژئاوای کوردستان$
- لە ناوەندی پارتی یەکێتی دیموکراتیک (#پەیەدە#) کۆبوونەوەیەکی بەرفراوان لە نێوان نوێنەرانری حزب و لایەنە سیاسییەکانی کورد، عەرەب و سریان لە باکور و ڕۆژهەڵاتی سوریا و نوێنەرانی حزب و لایەنە سیاسییەکانی ناو سوریا دەستیپێکردووە. بە ئامانجی وتوێژکردن لەسەر ڕێبازەکانی نزیکبوونەوەی تێڕوانینەکان و لەوەش زیاتر وتوێژکردن لەسەر پرۆژەی خۆبەڕێوەبەری و یاسای خۆبەڕێوەبەری هەرێمیی سوریا، ئەو کۆبوونەوەیە بەڕێوە چوو.[1]
$دەرەوەی کوردستان$
- ڕۆبێرت کۆڵڤیڵ وتەبێژی کۆمسیۆنی باڵای مافەکانی مرۆڤی سەر بە #نەتەوە یەکگرتووەکان# ڕایگەیاند، لەگەڵ ئەوەی ئاگربەست ڕاگەیەنراوە، هێرشی سەر ڕۆژئاوا و باکووری سوریا بەردەوامە و وتی، ئێمە بە هۆی ڕووداوەکان کە ڕاستەوخۆ خەڵکی مەدەنی دەکرێتە ئامانج، نیگەرانین.[1]