دلێگەو یاۋنەری یەکینەکانو پارێزنای گەلی-#هەپەگە#، سەبارەت بە چالاکی گەریلاکان و هێرش و بۆردومانو دوژمنی ۋەڵاکریاش دان و ئاشکراش کەردەن:
#شەمزینان#
وێرەگاو 18و ئەیلولی جە دەڤەرو گەردیا-ی سەر بە شارۆچەو شەمزینانی گەریلا گورزی قورسش جە هێزە داگیرکەرەکانو تورکیای دان و جە چوار لاۋە هێرشش کەردێنێ سەر. جە ئاکامەنە 2 کابینێ و 2 ڕەبایێ خاپورێ کریێنێ و لانی کەم 20 سەربازێ کوشیێنێ.
گەڤەر
هەمان ڕۆچ جە سنورو ناوچەو گەڤەری ژەنە گەریلاکێ یەژەئا ستاری (یەکینەکێ ژنێ ئازادێ) چالاکیشان ئەنجام دان و جە ئاکامشەنە 2 سەربازێ کوشیێنێ. هەر جە هەمان ناوچە گەریلا چالاکیشان ئەنجام دان و چاگێچە 6 سەربازێ تەرێ کوشیێنێ.
پلور-دێرسیم
دمانیمەڕۊ 17و ئەیلولی جە ناوچەو پولور-و دێرسمی سوپا داگیرکەرەکەو تورکی ئۆپەراسیۆنش ئەنجام دان و فڕۆکە جەنگیەکێ جە وێرەگا تا شەۋێ بە بەردەۋامی بۆردومانشان کەردەن. سەرسەبای 18و ئەیلولی بە کۆپتەرێ کوبرێ جەنگیێ دیسان بۆردومانو ناوچەکەیشان کەردەن. دماتەر دوژمن بە کۆپتەرێ سکۆرسکیێ سەربازێش ناوچەکەنە ۋەزنێنێرە. هەمان ڕۆچ ئۆپەراسیۆنکارێ بێ ئەنجام کێشیێنێ.
هەرێمەکێ پارێزنای مەدیای
19 و 21و ئەیلوولی جە ساتەکانو شەۋێ و نیمەڕۊی، فڕۆکە جەنگیەکێ دوژمنی داگیرکەری دێهاتەکێ فلەها و ساجای و دەڤەرەکانو کونشکا و چەمچۆ-شان بۆردومان کەردێنێ. بۆردومانەکە زیانی گیانیش نەبیەن، بەڵام زیانی مادی فرەش ڕەز و باخ و ژیۋگەی یاۋنان.[1]
#21-09-2018#