ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) لەبارەی چالاکییەکانی هێزی گەریلا لە ناوچەی بارزان لە باشووری کوردستان و شەڕ لە دەریای ڕەش ڕاگەیاندراویکی بڵاوکردەوە. لە ڕاگەیاندراوەکەدا هاتووە:
$چالاکییەکانی گەریلا لە ناوچەی بارزان لە دژی سوپای تورکیای داگیرکەر$
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگریدا لە ڕۆژی 13ی ئەیلولی 2018 و لە کاتژمێر 02:30 لە ناوچەی بارزان لە باشووری کوردسان لە چیایی خودێ لە دژی داگیرکەران چالاکییەکیان بە قەناس ئەنجامدا. لەو چالاکییەدا سەربازێکی دوژمن کوژرا.
هەر لەو ڕۆژەدا و لە کاتژمێر 70:15 و لە چوارچێوەی هەڵمەتی شۆڕشگێڕیدا هیزەکانمان جارێکیتر چالاکییان لە دژی سەربازانی تورکیا لە چیای خودێ ئەنجامدا. لەو چالاکییەدا گورزی قورس لە سەنگەر و پەناگەکانی دوژمن درا. ژمارەی سەربازە کوژرا و بریندارەکانی دوژمن ڕوون نەبووەتەوە.
$گەریلایەک لە شەڕەکانی دەریای ڕەشدا شەهیدبوو$
سوپای کۆماری تورکیای داگیرکەر ڕۆژی 12ی ئەیلولی 2018 لەناوچەی یاگلی دەرە لە پارێزگای گیرەسون لە دەریای ڕەش دەستی بە ئەنجامدانی ئۆپراسیۆنێک کرد. هێزەکانمان لەو ڕۆژەدا و لە کاتژمێر 13:30 لە دژی سەربازانی ئۆپراسیۆنەکە چالاکییان ئەنجامدا. لە نزیکەوە گورزیان لە یەکەکانی دوژمن دا. ژمارەی سەربازە کوژراو و بریندارەکان ڕوون نەبوویەوە. هەڤاڵمان چیاگەر تاوەکو دوایین گوللەی خۆی لەدژی دوژمن شەڕێکی قارەمانانەی کرد و لە لوتکەی قارەمانیدا شەهید بوو. ئۆپراسیۆنەکەی سوپای تورکیا تاوەکو ئێستاش درێژەی هەیە.
$ناسنامەی هەڤاڵە شەهیدەکەمان$
نازناو: چیاگەر پیران
ناو و پاشناو: سەردار بەکمەز
شوێنی لە دایکبوون: #ئامەد#
ناوی دایک و باوک: حەوا – ڕەمەزان
کات و شوێنی شەهیدبوون: 12ی ئەیلولی 2018 – گیرەسون
$بۆردومانی فڕۆکە جەنگییەکانی تورکیای داگیرکەر$
رۆژی 13ی ئەیلولی 2018 و کاتژمێر 10:50 خولەک فڕۆکە جەنگییەکانی سوپای کۆماری تورکیای داگیرکەر چەمچۆی ناوچەی زاپی لە هەرێمی پاراستنی مەدیا بۆردومان کرد.[1]
#14-09-2018#