ناوەندی ڕاگەیاندنی هێزەکانی پاراستنی گەل - #هەپەگە# دەربارەی چالاکییەکانی گەریلا لە ناوچەکانی شەمزینان و چەلێی #جۆلەمێرگ# ڕاگەیەندراوێکی بڵاوکردەوە. بە گوێرەی ڕاگەیەندراوەکە، هێزەکانی گەریلا گورزی کوشندەیان لە سوپای تورکیا داوە و 22 سەرباز کوژراون.
دەقی ڕاگەیەندراوی هەپەگە:
لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، هێزەکانمان لە جۆلەمێرگ لە دژی سوپای کۆماری تورکیای داگیرکەر چالاکییان ئەنجامدا. زانیاری بەرفرەوان دەربارەی چالاکییەکان بەم شێوەیەیە:
هێزەکانمان لە 1ی حوزەیران\11ی جۆزەردان کاتژمێر 10، هێرشیان کردە سەر داگیرکەرانی سەر گردی خەرەگۆل-ی ناوچەی چەلێی جۆلەمێرگ. لە 6 قۆڵەوە لە سەنگەر، شوێنی حەوانەوە و سەربازانی سەر گردەکە درا. لە ئەنجامدا شوێنێکی حەوانەوە و 2 سەنگەری دوژمن ڕووخێندران. ئەوەندەی ڕوون بوویەوە 11 سەرباز کوژران و 3ی دیکەش بریندار بوون.
2ی حوزەیران\12ی جۆزەردان کاتژمێر 19، هێزەکانمان هێرشیان کردە سەر سوپای کۆماری تورکیای داگیرکەر لەسەر گردی کۆردینە-ی چەلێ. چالاکییەکە لە 2 قۆڵەوە ئەنجامدرا، 2 سەنگەر ڕوخێندران و 6 سەربازی دوژمن کوژران.
سوپای کۆماری تورکیای داگیرکەر ماوەیەکە هەوڵ دەدات لە دۆڵی گرانا بەره و هەرێمی گۆڤەندێ-ی ناوچەی شەمزینانی جۆلەمێرگ (ڕێگەی ئەمنی) دروست بکات. هێزەکانمان ڕۆژی 2ی حوزەیران\12ی جۆزەردان کاتژمێر 9:30 هێرشیان کردە سەر ئه و سەربازانەی ڕێگەیان دروست دەکرد. لە شوێنێکی نزیکەوە لە سەربازەکان و بلدۆزەرێکیان دا کە ڕێگەیان دروست دەکرد. لە چالاکییەکەدا بلدۆزەرەکە و ئه و چەکانەی کە تیایدا بوون، تێکشکێندران. هەروەها 4 سەربازی دوژمن کوژران و 2 سەربازیش بەسەختی بریندار بوون. هێزەکانی داگیرکەر لە دوای چالاکییەکە سەربازەبریندارەکان و تەرمی سەربازەکانی خۆیان بە کۆپتەری سکۆرسکی لە هەرێمەکە هەڵگرتەوە.
31ی ئایار\10ی جۆزەردان، سوپای کۆماری تورکیای داگیرکەر لە مەیدانەکانی عوسمانییە دەستی بە ئۆپەراسیۆن کرد. هێزەکانمان لە دۆڵی شەهید باهۆز چاودێری یەکینەیەکی دوژمنیان کرد و ڕۆژی 1ی حوزەیران\11ی جۆزەردان کاتژمێر 7 لە یەکینەکەیان دا. لە نزیکەوە گورزی توند لە یەکینەکەی دوژمن درا و سەربازێک کوژرا و 2ی دیکەش بریندار بوون.
لە 3ی حوزەیران\13ی جۆزەردان کاتژمێر 2، فڕۆکەجەنگییەکانی سوپای کۆماری تورکیای داگیرکەر بۆمبارانی دۆڵی ئارێ و دەوروبەری گردی لێلیکان-یان کرد لە هەرێمی برادۆستی باشووری کوردستان.[1]
#03-06-2018#