بەنداوی دەربەندی گۆمەسپان
بەرزترین شوێنی بەنداوەکە لەسەر ئاستی ڕووی دەریاوە(898) مەترە و نزمترینیشی(814) مەترە، پانیەکەی لە بنمیچدا(70) مەترە و لەسەرەوەیدا(10) مەترە، بەرزییەکەشی (70) مەترە و ڕووبەری گڵدانەوەی ئاوی بەنداوەکە(2252) دوو هەزار و دوو سەد و پەنجا و دوو دۆنمی کشتوکاڵی دادەپۆشێت، سەرچاوەی ئاوی سەرەکی بەنداوەکەش ئاوی باران و کانیاوە سروشتیەکانی بناری چیاکانی کێشکە و #سەفین# و دۆڵی سماقوڵی یە، بارانی ساڵانەی ناوچەکە لەساڵێکدا(600-800) ملیمەتره و داهاتی ئاوی ساڵانەی ناوچەکەش(47، 839، 221) چل و حەوت ملیۆن و هەشت سەد و سی و نۆ هەزار و دوو سەد و بیست و یەک مەتر سێجایە، توانای گڵدانەوەی ئاوی بەنداوەکەش(80800000) هەشتا ملیۆن و هەشت سەد هەزار مەتر سێجایە.
لە ئیدیۆمی کوردەواریشدا ئه و شوێنە ناوی هاتووە وەکو ناوچەیەکی فێنک و ئاو وهەواخۆش وتراوە: ئەگەر نەگەیشتیە کوێستانێ، هەڕوە دەربەندی گۆمەسپانێ.
بڕیاربوو ساڵی 2021 تەواو بکرێت، بەڵام هێشتا کاری دروستکردنی بەنداوەکە تەواو نەبووە.[1]