خەندان ڕەڤەند گوهەرزی
بەرێوبەرایەتی گشتیی هاتووچۆی پارێزگای دهۆک ئاماری هەشت مانگی ڕابردووی ڕوداوەکانی هاتووچۆی ڕایگەیاند و تێیدا هاتووە کە 831 ڕووداوی هاتووچۆ، بووەتەهۆی کوژران و برینداربوونی نزیکەی سێ هەزار کەس.
ئازاد تاها بەرپرسی بەشی ڕاگەیاندن لە بەرێوبەرایەتیی گشتیی هاتووچۆی پارێزگای دهۆک تایبەت بەخەندانی ڕاگەیاند : لە هەشت مانگی ڕابردووی ئەم ساڵدا لە سنووری پارێزگای دهۆک 831 ڕوداوی هاتووچۆ ڕویداروە و دوو هەزار و 998 کەسیش بونەتە قوربانی.
ئازاد تاها ئاماژەی بەوەشکرد کە زۆربەی ئەو ڕووداوانە لە (دهۆک و زاخۆ و شێخان و ئامێدی و فیشخابوور) ڕویانداوە و لە ئەنجامیشدا 171 کەس گیانیان لەدەست داوەو 2827 کەسیش برینداربوونە.
بەرپرسی بەشی ڕاگەیاندن لە بەرێوبەرایەتیی گشتیی هاتووچۆی دهۆک ئاماژە بەوەشکرد کە هۆکاری سەرەکیی ئەو ڕووداوانە، خراپیی ڕێگای هاتووچۆ و لاوازی ئاستی هۆشیاری شوفێراو بووە لە کاتی لێ خورینی ئوتومبێلەکانیان.
- 09-10-2013