لەسەرەتای ئەمساڵەوە تا ئێستا، 44 کەس لە هەرێمی کوردستاندا بە هۆی (مین)ەوە کوژراون و بریندار بوون.
ئاودێر محەمەد، ئاوێنەنیوز: بەڕێوەبەری هوشیارکردنەوه و قوربانیانی مین لە دەزگای گشتی کاروباری مین لەهەرێمی کوردستان، ئاکۆ عەزیز، ئەمڕۆ(سێ شەممە) ڕایگەیاند لە 9 مانگی ئەمساڵدا،ئەوەی لەدەزگای گشتی کاروباری مین تۆمار کراوە تا ئەمڕۆ 44 ڕووداوی مین هەبووە و بەوهۆیەوە 44 هاووڵاتی لەهەرێمی کوردستان بونەتە قوربانی.
ووتیشی له و ژمارەیە،34 هاووڵاتیان بریندار بووه و 10 کەسی تریش گیانیان لەدەست داوە لە سنوری هەولێرو دهۆک و سلێمانی و ئیدارەی گەرمیان.
ئه و بەرپرسەی دەزگای گشتی کاروباری مین ڕوونی کردوە کە هەندێک لەوانەی بونەتە قوربانی لە ئەنجامی نەزانین چونەتەناوچەی مین ڕێژکراو یان دەستکاری مین و تەقەمەنیان کردوە.
- 08-10-2013