مامۆستا عەلی کەریمی لە ساڵی پەنجاکاندا لە شارۆچکەی #مەهاباد# لە دایک بووە و خوێندنی سەرەتایی و ناوەندیشی هەر لەو شارە تەواوکردووە. داوتر دەچیتە شاری تەورێز لە وڵاتی ئێران و هەتا ساڵی 1978 و دەسپێکی شۆڕشی گەلان دژ بە شای ئێران لەم شارە درێژەی بە خوێندن داوە. هەر لەوێ لەگەڵ ڕامیاری و کوردایەتی ئاشنا بووە و چالاکیێکی زۆری هەبووە. بەهۆی توندوتیژی و مەترسی لەسەر ژیانی گەڕاوەتەوە مەهاباد و لەوێش دوای کارەساتی #هەکاری# چووە بۆلای یەکێتیی نیشتمانیی کوردستان لە ناوزەنگ بووەتە هاوڕێی سەرکردەی نەمرک، کاک #نەوشیروان مستەفا#. هەتا سەرکەوتنی شۆڕش لە ئێران و ڕووخانی شا یارمەتیی و پشت و پەنای پێشمەرگە و خەباتی شۆڕشی نوێ بووە. خۆی و چەند هاوڕێی نزیکی لە مەهاباد هاوکار و دۆستی نزیکی کۆمەڵەی مارکسی_لێنینی دواتر ڕەنجدەران بوون. لە سەرەتای هێرشی کۆماری ئیسلامی بۆ سەر ڕۆژهەڵاتی کوردستان لەناو ڕیزەکانی کۆمەڵەی شۆڕشگێڕی زەحمەتکێشانی کوردستانی ئێران و مەفرەزە سەرەتاییەکان بووەتە پێشمەرگە. هەتا ساڵی 1983 لە دەیان شەر و نەبەرد و پەلامار دژی هێزی داگیرکەر شەڕی کردووە. بەشداری شەڕی کۆڵانبەکۆڵانی لە زۆربەی شارەکانی ڕۆژهەڵات کردووە. کە لە 1983 کۆمەلە بڕیاری بوونی خۆی بە حیزبی کمۆنیستی ئێران دەدا لەگەڵ چەندین هاوڕێی واز لە کۆمەڵە دەهێنن و خۆیان سەربەخۆ بە چەکەوە لە ناوچە ئازادەکان دێنودەچن. سەرنجام دوای گرتنەوی زۆربەی ناوچە ئازادەکان لە لایان هێزەکانی کۆماری ئیسلامی، ڕووی لە باشوور کرد و چووە بۆ لای پێشمەرگەکانی یەکیتی نیشتمانی کوردستان. لە کۆتایی ساڵی 1984 چوو بۆ هەندەران. لە ساڵی 2000 وە لە باشووری کوردستان نیشتەجێ بووە و هاتوچووی دەرەوەی وڵاتیش دەکات. دوای 11ساڵ کاری بەردەوام، پەرتووکی ژیان و بەسەرهاتی زەبیحی لە ساڵی 1999 لە سوید بە چاپ گەیاند. بەسەدان وتار و وتووێژی لە گۆڤار و ڕادیۆ و تەلەڤزیۆنەکان لەمەڕ نەیاربوونی بۆ دەسەڵاتی کۆماری ئیسلامی و گەندەڵی و حکومەتی هەرێم هەیە. پەڕتووک و لە چاپدانەوەی گۆڤاری نیشتمانی کۆمەڵەی ژێکاف و چاپەمەنییەکانی کۆمەڵەی بە هاوکاری بنکەی ژین لە #سلێمانی# ساڵی 2008 لەژێرناوی نیشتمان بە چاپ گەیاند. نووسراوەی الردعلی الکوسموپولیتیە مامۆستا زەبیحی وەرگێڕآ و لە ساڵی 2017 بە چەند پێشەکی و ڕوونکردنەوە بە چاپی گەیاند. لە ساڵی 2009 لەگەڵ بزووتنەوەی گۆڕان ڕێککەوت و لە ڕاگەیاندن و تەلەڤزیۆنی کەی ئێن ئێن بەرپرسیارەتی هەبوو. ئێستا وەک ڕەخنەگرێکی سەربەخۆ لە سلێمانی دادەنیشت و کەمکەمەش دەچێتەوە لەندەن
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 11,932 مرة