ناو: محەمەد
نازناو: ساڵح نیکبەخت
ناوی باوک: ساڵح
شوێنی لەدایکبوون: شاری #سەقز#
$ژیاننامە$
لە شاری سەقز لە ڕۆژهەڵاتی کوردستان لەدایکبووە، کۆلێکژی یاسایی زانکۆی تارانی تەواوکردووە.
ساڵی 1974 بەهۆی کاری سیاسی، لەلایەن ڕژێمی پاشایەتی بۆ ماوەی سێ ساڵ و نیو زیندانی دەکرێت.
یەکێک لە دامەزرێنەرانی (جمعیت کردهای مقیم تهران) دەبێت.
ساڵی 1970 دەچێتە زانکۆ و هەر ئەو ساڵەیش دەبێتە هەواڵنێری ڕۆژنامەی کیهان.
خۆی دەڵێت: (وەک گەنجترین هەواڵنێر لەلایەن ڕۆژنامەی کەیهانەوە نێردراوم بۆ لوبنان) ، هەروەها دەڵێت: (دوای ئەوە کەزانیم ڕۆژنامەنووسی لە ئێراندا ئازاد نییە و لەژێر فشاری دەسەڵاتدایە چووم بۆ زانکۆ و مافم هەڵبژارد و بووم بە پارێزەر لە تاران.)
ساڵی 1981 بۆ جارێکی دیکە لەلایەن کۆماری ئیسلامییەوە گیراوە. بۆ ماوەی 4 ساڵ لە زینداندا بووە. هەرچەند پێش ئەو گیرانەش چەند جار گیرابوو، لە شاری تاران نیشتەجێیە.
لە شۆڕشی #ژینا ئەمینی#، #ژن، ژیان، ئازادی# دا، بووە بە پارێزەری بنەماڵەی ژینا ئەمینی، لە مانگی 12ی 2023 لە وڵاتی فەڕەنسا خەڵاتی ساخارۆفی وەرگرتووە. [1]