ڕاکردن
1
پەنجەرەی ماڵی کورد،
بۆ ئەوە کراوەتەوە
تا؛
- لە وێوە بە ئاسانی تەقەمان لێبکەن.
2
دیوار بۆ ئەوە بەرز کراوەتەوە
تا؛
-لافیتەی شەهیدانی پێوە
هەڵبواسین.
3
گەردن کێلە ژنی کورد،
تا؛
-بە ئاسانی بکرێ بەپەتا.
4
دەستی کورد بۆ ئەوە خولقاوە
تا؛
-نارنجۆکی پێدا بتەقێتەوە.
5
لووتی بۆ ئەوە زەق بۆتەوە
تا؛
-تەنیا بۆنی بارووتی پێ بکا
6
چاو،
بۆ دیتنی گوندی سوتماکە.
7
گوێ،
بۆ بیستنی دەستڕێژ و زریکەیە.
8
ددان بۆ ئەوە خوڵقاوە
تا؛
-دوای هەموو شکستێ
پەنجەی خۆی پێ بگەزێت
9
مرۆڤی کورد تەنیا یەک ئیشی بە لاقەکانیەتی؛
تا،
- تاهەتا بە شوێن ئازادیدا،
ڕابکات.
ناوی نووسەر: #قوبادی جەلیزادە# [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 128 mal angesehen
Schreiben Sie Ihren Kommentar zu diesem Artikel!