مامۆستای ئایینی ئیسلامی کوردستان لە #هەولێر# ئیدانەی هێرشە مووشەکییەکەی ئێران بۆ سەر هەولێر دەکەن و دەڵێن: تێکدانی کەعبە گوناهەکەی زۆر کەمترە لە ڕژانی خوێنی موسڵمانێک.
ژمارەیەک مامۆستای ئایینی ئیسلامی کوردستان لە هەولێر، دژی هێرشە مووشەکییەکەی ئێران بۆ سەر هەولێر گردبوونەوە و لە بەیاننامەیەکدا ڕایانگەیاند: ئەوەی جێگەی نیگەرانی ئێمەیە وەک مامۆستایانی ئایینی وڵاتێکی بەناو ئیسلامی ئەو کارە بەرانبەر بە دراوسێیەکی موسوڵمانی خۆی دەکات، پێغەمبەری ئیسلام فەرمویەتی: تێکدانی کەعبە گوناهەکەی زۆر کەمترە لە خوێنی بەناهەق ڕژاوی موسوڵمانێک، بۆیە وەک مامۆستایانی ئایینی ئیسلامی کوردستان داوا لە ڕێبەری ئێران و سەرۆک کۆماری ئێران دەکەین، کە چارەسەری ئەو دۆخە بکەن و چیتر ئەو هێرشە ناڕەوایانە نەکەنە سەر خەڵکی هەرێمی کوردستان.
مامۆستایانی ئایینی، دەشڵێن: هەرێمی کوردستان ئارامگەی خەڵکی لێقەوماو و پێکەوەژیانی هەموو ئایین و نەتەوەکانە و کەس لێرە خۆی بە میوان نازانێت، داواش لە کۆمەڵگەی نێودەوڵەتی دەکەین لەسەر ئەو ستەمە بێنەدەنگ. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 230 mal angesehen