کونسوڵخانەی ئەمەریکا لە #هەولێر#، ئیدانەی هێرشە مووشەکییەکەی سوپای پاسداران بۆ سەر شاری هەولێر دەکات و سەرەخۆشی لە کەسوکاری شەهیدەکان دەکات.
لە ڕاگەیەنراوێکدا کونسوڵخانەی ئەمەریکا لە هەولێر دەڵێت: بەتوندی ئیدانەی هێرشە پڕ توندوتیژی و بێماناکانی ئەم دواییەی ئێران دژی هاووڵاتییانی مەدەنیی هەرێمی کوردستان و هێرشە درۆنیە بەردەوامەکانی سەرتاسەری ناوچەکە دەکەین. سەرەخۆشی خۆمان ئاڕاستەی کەسوکاری قوربانییەکان دەکەین و هیوای چاکبوونەوەی خێراش بۆ هەموو ئەوانەی برینداربوون دەخوازین.
کونسوڵخانەی ئەمەریکا ڕاشیگەیاند: ئیدانەی پێشێلکردنی ئاشکرای سەروەریی ئێراق لەلایەن ئێرانەوە دەکەین، وە لە بەرانبەر ئەو هەموو هەواڵە نادرووستانەی لە ڕاگەیاندن و تۆڕە کۆمەڵایەتییەکاندا بڵاوبوونەتەوە، دەمانەوێت ڕوونیبکەینەوە کە لە هێرشەکانی ئێران لە #15-01-2024# دا هیچ ناوەندێکی ویلایەتە یەکگرتووەکانی ئەمەریکا زیانیان بەرنەکەوتوون. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 199 mal angesehen