خەسوێ چاک جووتە گایە، خەسوێ خراپ لینگە گایە
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (خەسوێ چاک جووتە گایە، خەسوێ خراپ لینگە گایە) ، لە وراتی #کۆیە# وتراوە: خەسووی چاک بە فەلاحەتییەک هەیە، بەڵام لە خۆشناوەتیدا خەسووی باشیان بە (جووتەگا) داناوە، لە کۆندا بەتایبەت لە هەرد و کێو و لاپاڵی خۆشناوەتی لە دۆڵەکانی (#مەلەکان# و سماقوڵی و #بالیسان# و #هیران# و #نازەنین# ) ئاژەڵی گاجووت زۆر بەنرخ بووە چونکە هەموو کاروبارێکی گواستنەوە و کێڵان و جووتکردن و گێرەکردنی پێکراوە ئەوەی جووتە گایەکی جووتکردنی هەبووایە، ئەوا کەسێکی بەختەوەر و هەبوو بووە و پەکی لە هیچ نەکەوتووە، بەڵام ئەوەی لینگە گایەکی هەبێت واتە: یەک گای جووتکردنی هەبووایە، بەناچاری لەگەڵ کەرێک کاری پێکردووە و لەکوردەواریدا ئەگەر کەسێک یەک گای هەبووایە پێیان دەوت: (کابرای کەروگا) ، چونکە کارکردن بە کەر و گایەک خاوەنەکەی زۆر ماندوو دەکرد، بۆ هەردوو حاڵەتی خەسوی باش و خراپ خۆشناوەتی وتویەتی: خەسوێ چاک جووتە گایە، خەسوێ خراپ لینگە گایە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 265 mal angesehen