سەربەخوەیى و هەلۆیستى لایەنێن سیاسى
بێوار حسێن زێباری ، هەولێر
حزبان گرنگیا خوە یاهەى ژ دونیا سیاسەتێ و نیزامى سیاسى دبینیت، چونکى وەکى هەر مرۆڤەکێ مۆرالێن گرنگ هەنە، چونکى ئامرازێن گرنگ بکاردئینیت هەتا کو دیمۆکراتى و مەرەمێن دى ب دەستخوەڤە بینیت بگەهیتە هیڤى و ئارمانجێن خوە یێن حزبا خوە یا کو ل سەر پەپرەوەکێ هاتیەدانان و برێڤەدبەت. دڤێت حزب سیاسى هەلگرى ئایدیایەکى دیارکرى و ئاشکرا بیت بەروڤاژى قانوون و بنەمایێن دستوورى کارنەکەت، چونکى دبیتە بەروڤاژى جڤاکى و دەڤەرێ وە دلگرانى و نەخۆشى ل دووڤخۆرا دهێلیت بەر هندى دڤێت ب جوانى و باشى کارکەت. ئەڤرۆ دیارە کانێ کێ بۆ مللەتى کریە و بۆ مللەتى ژى دکەت ئەوە کو دووڤ مافێن ڕەوای یێن خەلکى دگەرێت کیژ لایەن بۆ دژایەتى و خیانەتکارى و سڤکایەتیکرن ب خەلکى دکەن بۆ بەرژەوەندیێن خوە تاکەنە نەک بۆ مللەتى و دەولەتەکا ئێمناهى و سەربەخوەى و بگەرێن بەلێ بۆ وان لایەینان ئاشکرایە کو قانوونەک هەیە ئە و ژى کو بۆ کارێن گشتى کارنەکەن تنى بۆ خوە، دیسا ژى کو نوکە بوونە ڕێگرى سەربەخوەى، ئه و ژى کو سەدان سالە هەر تاکەکێ کورد هیڤیا ڤێ ڕۆژێنە، کانە کى و چ دەم دێ گەهنە مافێن خوە یێن ڕەوا، نوکە پتریا ل هەمى دەمان دڤێت ئێکریزى بپارێزن تەبابى د ناڤبەرا لایەنێن سیاسى دا هەبیت و ئەڤا ئەڤرۆ ب دەست کوردان کەفتى چو جاران زەحمەت ب دەستکەفیت و ئەڤ دەلیڤا زێرین دڤێت دەست نەدەن ژى و تایبەتى ل سەر وێ پەیڤا کو ئەڤرۆ ل سەر زمانى َهەر کەسەکى دهێتە گۆتن، ئه و ژى پەیڤا (ریفراندۆمێ) یە، کار بکەن نەکو دهێتە پاشخستن بۆ سەد سالێن دى دڤێت ڤێ دەرفەتى ژ دەست نەدەین و هەولەکى باش هاتیەکرن نوکە و کارێن باش ب ڕێڤەنە بۆ مللەتێ کورد، لێ یا گرنک ئەوە کو دڤێت لایەنێن سیاسى ڕاستگۆیى و نیازپاکى بۆ خەلکى کوردستانى بسەلمینن دا بشێن لایەنگر و دەنگدەرێ بۆ خوە ڕابکێشن دا بگەهنە ئارمانج و هیڤیێن خوە گشتى و تایبەت ل پاشەرۆژى دا. تێزانن ژى کو ڕیفراندۆم نە مافێ چو لایەنانە کو مافێ هەمى کەسەکى یە نەک تنى لایەنەک و حزبەک بیت، بەلێ دوژمن و نەیارێن کوردان ل هەر جهەکى بن دێ هەل و بزاڤان کەن دا دژى ڤێ کارى ڕابن دا کوردان نەگەهنە هیڤێن خوە ڤێ دەلیڤا زێرین ژ دەست بدەن، بەلێ بلا یا دیار بیت کو هەر کەسەک ل هیڤیا وێ ڕۆژا کو دبێژنێ 25 ئیلۆنێ دا ب تبلێن خوە شەڕى ل گەل دوژمنى بکەن و ئەڤە ژی ئەو دەمە هاتوو ب ڕێژەکا هەروە باش ژی خەلکی ل وی دەمی قەستا سەرسندوقان کر و ئەڤ دەمە ژى باشترین دەمە بۆ ڕیفراندۆمێ ب هزرا من یا کەساتى کو ئەڤە قووناغەکا دى و دیرۆکەکا دى یا گرنگ پشتى شەڕێ داعش کوردان تۆمارکر. هەتا ئەڤرۆکە ژی یاخویایە کۆ کیژ لایەن پتر بۆ دۆزا کوردان کاردکەت و دیسان ژی بزانیت ماف و دەستکەفتێن حزبی و کوردستانی لێک جودا بکەت ، هەروەسا ژی کۆ ئەڤرۆکە هاتیە ئەشکرا کرن ژی کۆ کیژ لایەن تنێ بۆ بەرژەوەندیێن خۆ تەسک و گرتی کاردکەن و کیژ لایەن بۆ سەبەخۆیا کوردا و دەستڤەئینان مافێن زێدەتر بۆ مللەتی دڤێن. [1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 206 mal angesehen