ناونیشانی پەڕتووک: هەرێمی کوردستان و دراوسێکانی؛ چ جۆرە پەیوەندییەک؟
ناوی نووسەر: #زوبێر ڕەسوڵ ئەحمەد#
شوێنی چاپ: #هەولێر#
چاپخانە: سەنتەری توێژینەوە و ڕاپرسی کوردستان24
دەزگای پەخش: سەنتەری توێژینەوە و ڕاپرسی کوردستان24
ساڵی چاپ: 2022
ژمارەی چاپ: یەکەم[1]
ئێمە لەو کتێبەدا سەرنجمان لەسەر دوو جۆر لە دراوسێکانی هەرێمی کوردستانە، جۆرێک لە دراوسێ لە ڕوانگەی نزیکیی جیۆگرافی (geographical proximity)، کە هاوسنووری هەرێمی کوردستانن، وەک وڵاتانی ئێران و تورکیا و سووریا؛ هەروەها ئەو دراوسێیانەش کە سنووری جیۆگرافیی ڕاستەوخۆیان لەگەڵ هەرێمی کوردستاندا نییە، بەڵام پێگەی سیاسی و هەژمونییان لە سیستەمی نێودەوڵەتیدا وای کردووە کە ئامادەیی و کاریگەریی سیاسییان لەسەر هەرێمی کوردستان، هەندێک جار لە دراوسێکانیش زیاتر بێت. بۆ نموونە هەر یەکە لە وڵاتە یەکگرتووەکانی ئەمریکا و ڕووسیا لەو جۆرە زلهێزە تایبەتانەن کە ئەم ڕۆڵەیان هەیە. لەبەر گرنگی و کاریگەریی ئەو دوو وڵاتە لەسەر پرۆسەی سیاسی و ئایندەی هەرێمی کوردستان.
نووسەر لە بارەی گرنگی کتێبەکەوە نووسیویەتی: گرنگیی ئەم کتێبە لەو ڕوانگەیەوە سەرچاوە دەگرێت، بابەتێک تاوتوێ دەکات کە چ لە بواری ئەکادیمی و زانستییدا یانیش لە سەر ئاستی جەماوەریدا بێت، جێگای مشتومڕ و قسەلەسەرکردنێکی زۆرە، بەڵام لە ڕاستیدا تا ئێستا وەک پێویست بە تایبەت بە زمانی کوردی، توێژینەوەی ئەکادیمیی ورد و بێلایەنی لەبارەوە نەکراوە. هەندێک جاریش لە بارەی پەیوەندیی هەرێمی کوردستان لەگەڵ بەشێک لەو وڵاتانەدا بە تایبەتییش وڵاتە زلهێزەکان کە هەرێمی کوردستان وەک پاڵپشت دەیانبینێت، (patron-client relations) چ لەسەر ئاستی نوخبەی سیاسی بێت یاخود لەسەر ئاستی توێژەرەکانمان، جۆرێک لە زیادەڕۆیی هەیە؛ بەڵام لە بنەڕەتدا پەیوەندییەکە ڕەهەندێکی تری هەیە.
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 503 mal angesehen
Schreiben Sie Ihren Kommentar zu diesem Artikel!