مار تاسەری پان نەکەیتەوە ناتۆپێت
مار، ئه و زیندەوەرە خشۆکەیە کە لە کوردەواریدا زۆر ئیدیۆمی لەسەر وتراوە و لەگەڵ مرۆڤی کورد و مرۆڤایەتی لەیەک ژینگەدا بەیەکەوە ژیاون، مار هێمای دوژمنە، مایەی پێوەدان و ژەهر ڕێژتنە، بنەمای ترس و دڵەڕاوکێیە بۆ مرۆڤ، باشترین چەکی شەڕکردنی مار، دەم و ددانیەتی کە گازی پێ دەگرێت و زیان بەنێچیر و نەیارانی دەگەیەنێت و بەهۆیەوە ژاری خۆی دەخاتە خوێنی دوژمنەکانیەوە، بۆیە ئەگەر هەر جێگایەکی پان بکەیتەوە و سەری بمێنێت ئەوا هیچت نەکردووە و مەترسیەکە هەر دەمێنێت، کورد ئەوەی کردووە بە ئیدیۆم و ئەگەر دەسەڵاتێکی چەوسێنەر و زۆردار لەلایەن شۆڕش و جەماوەرەوە زۆر ناوچەی لێ وەربگیرێتەوە و ئازاد بکرێت، بەڵام پایتەخت و سەرۆکەی مابێت یان پیاوانی ئاغا و دەرەبەگایەتی زۆربەیان دارکووت و بەر پێلەقە بدرێن و ئاغا و سەرگەورەکەیان مابێت ئەوا کورد دەڵێت: مار تاسەری پان نەکەیتەوە ناتۆپێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 816 mal angesehen