کێچی حەفت مەن شیر ئەدا
کێچ: زیندەوەرێکی بچووکە، مێرووەکی خوێنمژ و زیانبەخشە، نەخۆشی لەرز و تا و گرانەتا و تاعونیش دەگوازێتەوە، تەمەنی کورتە و ئەسپێش دەخوات ناویشیان زۆر بەیەکەوە دێت(کێچ و ئەسپێ) و دەوترێت: کێچ بۆنی ڕووەکی ژاڵە بکات دەمرێت، مەن: دەفری پێوانەیە بۆ پێوانەی دانەوێڵە و خوێ بەکاردەهێنرێت، لە 750گرامەوە تا 3.5 سێ کیلۆ و نیو دەگرێت، کێچ و مەن لێرەدا له و ئیدیۆمەدا بەکارهێنراون بۆ ئه و کەسانەی کە زۆر ستایشی کاڵای خۆیان دەکەن و بەباڵایدا هەڵدەدەن دەوترێت: کێچی بەگایە، واتە: کێچێک دەکات بەگایەک یان کێچ بەگا ئەفرۆشێ وتراویشە: کایەک ئەکا بە کێفێک واتە: پوشکە کایەک دەکاتە کێوێک یان دەوترێت: دوو مێوژ بەلایەوە کەوێژێکه واتە: دوو دەنکە مێوژ دەکاتە یەک دەفر و مەن و کەوێژێک، ئەوە بووە بە ئیدیۆم و ئەگەر کەسێک هێندە ستایشی کاری خۆی بکات بەتەوسەوە پێی دەوترێت: کورە بابە ئەوە کێچی حەفت مەن شیر ئەدات.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 648 mal angesehen