بەردی بەستێ، چۆلەکەی دەشتێ
بەست، پانتاییەکی گەورەیە لە بەردۆچکەی ڕاپێچراو و ڕاماڵراوی ڕووباران دروست دەبێت، بەگوێرەی شوێنی پێکهاتنیان شێوەیان جیاوازە لە دامێنی شاخەکان شێوە پانکەییە و لە دەڵتاکان سێگۆشەییە و لە پێدەشتان پان وپۆڕە وەکو بەستی(شەرغە)ی نێوان دێگەڵە و سێگردکان، بەرد لەبەستێ زۆرینەیە بەگاڵتەوە وتراوە(پیاوێک لەبەستی شەرغەی دوو بەردی بەدەستەوە بووە لە بەردی سێیەم گەڕاوە ووتیویانە لەچی دەگەڕێی وتویەتی لەبەردی سێیەم دەگەڕێم کە له و بەستەی تەڵاقی پێ نەخورابێت، سەرچاوە: کۆبەرهەمی بڵاو نەکراوەی تاهیر ئەحمەد حەوێزی:2020زایینی)
چۆلەکەی دەشتێ واتە باڵندەی پاساری و کێشکە، کە ئەوانیش وەک بەردی بەستێ لەژمارە نایەن و زۆر وزەبەندن، ئه و ئیدیۆمە بۆ شتی فرە و زۆر دەوترێت کە دەستکەوتنیان ئاسان بێت.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,190 mal angesehen