تیرۆریستان وتاریک پەرستانی دژ بە مرۆڤایەتی، لەکردەیەکی تیرۆریستیدا، دڕندانە هێرشیان کردە سەر گوندەکانی دارا ومێرخاس لە شارۆچکەی #خانەقین#، لە ئەنجامدا ژمارەیەک هاووڵاتی سڤیلی کاکەیی شەهید وبریندار بوون، لەکاتێکدا کە ئەم تاوانە قێزەونە مەحکوم وشەرمەزاردەکەین، بەم بۆنە خەمهێنەرەوە پرسه و سەرەخۆشی خۆمان ئاڕاستەی خانەواده و بنەماڵەی شەهیدەکان دەکەین و هاوبەشی خەم و ئازاری قووڵیانین، هیوای زوو چاکبوونەوەش بۆ بریندارەکان دەخوازین.
ئە نجامدانی ئەم جۆرە تاوانکاری و تۆقاندنەش کە خەڵکی سیڤیلی تیا دەکرێتە ئامانج، جگە لەوەی وورە و ئیرادەی گەلەکەمان بەهێزتر دەکات، دەیسەلمێنێت کە دوژمنانی ئاشتی و پێکەوەژیان تەنها کردەی ترسنۆکانەیان لەدەست دێت و هەرگیز ناتوانن بەم کردەوانەیان گۆڕانکاریی هەمیشەیی لە دیمۆگرافیای ناوچە کوردستانیە کێشە لەسەرەکان بکەن.
د. ڕێواز فایەق
سەرۆکی پەرلەمانی کوردستان
#14-06-2020#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,940 mal angesehen