نووسینی: #بەختیار عەلی#
(ئۆپۆزسیۆن و پۆرترێتەکانی) نوێترین کتێبی نووسەر بەختیار عەلییە و بەمزووانە چاپ و بڵاودەکرێتەوە.
کتێبەکە بریتییە لە بەرگی نۆهەمی کارە تیورییەکانی بەختیار عەلی، کە لەلایەن نووسەر خۆیەوە چاپکراوە و ناوەندی ڕۆشنبیریی ڕەهەند کاری دابەشکردنی بۆ دەکات.
(ئۆپۆزسیۆن و پۆرترێتەکانی) هەوڵێکە بۆ گەڕان بەدوای وەڵامی ئەو پرسیارەدا (ئەگەر ئۆپۆزسیۆن هەبێت، دەبێت چۆن بێت؟)، (ئەگەر قسە لە گۆڕانی کۆمەڵایەتی و سیاسی دەکەین، گۆڕان چییە؟)، (ئەی لێرەدا ڕۆشنبیران لە چیدا لە خەڵک جیادەبنەوە؟). ئەمە ئەو پرسیارانە بوون کە سیاسی و ڕۆشنبیرە پۆپۆلیستییەکان بە تۆمەتبارکردن و دەنگەدەنگەکانیان نەیاندەهێشت ببنە بابەتی ڕاستەقینەی بیرکردنەوە. لە پاڵ ئەمەدا، کتێبەکە هەوڵێکیشە بۆ دیاریکردنی فەرمان و ئەرکی ڕۆشنبیر و جیاکردنەوەی ئەم ئەرکە بە ڕوونی و ڕەهایی لە ڕۆڵی سیاسی و ئەکتیڤیستی سیاسی. خوێندنەوەیەکە بۆ چەمکی ڕۆشنبیر و لەدایکبوونە دژوار و پڕ کێشەکەی لە سەرەتاکانی سەدەی بیستدا، بەڵام لەوە گرنگتر پێداگرییە لە تایبەتمەندی ڕۆشنبیر و تایبەتمەندی ئەو جێگایەی تێیدا کاردەکات.
تابلۆی بەرگی کتێبەکە لەلایەن هونەرمەند (ئامانج ئەمین)ەوە دروستکراوە و لە چاپخانەی کارۆ چاپدەکرێت. [1]
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,650 mal angesehen