ژن بووم بەگرێی چارۆگێ دەريانکردم
ئەم زاراوەيە لە زاری ژنانەوە گوتراوە و پياويش بەکاريدێنن لە بابەتێکدا بگونجێت دەڵێن(خۆ بەگرێی چارۆگێ دەرنەکراويت؟) کورد هەرچەندە شانازی بە موسڵمانبوونی خۆی دەکات بەڵام دوای چواردە سەدە هێشتا داب و نەريتە کلتورييەکان بەسەريدا زاڵن به و داب و نەريتە زاڵانەش دەڵێت(عەشايەری) کە ئەم زاراوەش لەگەڵ هاتنی موسلمانەکانەوە سەرچاوەی گرتووە دەنا وشەی(خێڵايەتی و هۆزايەتی) هەبووە لەبری عەشايەری، واتە کورد ئەوەی لەبەرژەوەندی نەبووە لە(شەرع) فەرامۆشی کردووە بەتايبەت(ميراتی زەوی و زار) و(سەروەت و سامان)ی ماڵە باب بدرێتە(کيژ و کەنيژک و کچان)، ئينجا وارێکەوتووە کچەخانەدانێ يان دەوڵەمەندێ کە بێ بەش کرابێ لە زەوی و زار و سەروەت و سامانی گەورە ماڵی باوکی بەکوڕازانەوە و حەسرەتەوە دەڵێت(ژن بووم بەگرێی چارۆگێ دەريانکردم) گرێی چارۆگ لەچيەوە هاتووە ئه و چوارشێوەی دوای هەموو جل و بەرگێک ئافرەت و ژنی کوردەواری بەشانيەوە بەدوو گرێ لێکی دەدەا و لەخۆی دەئاڵاند تا دەگاتە کەفەڵ و سمتی هەندێجار وەک جۆڕکە و تورەگە و هەگبە بەکاريدەهێنا بۆ هەڵگرتنی کەل و پەل و کارەکۆرپە و مناڵان و بارەدار، لە هونەری کورديش زۆر ئاوڕ لەچارۆگە دراوەتەوە بەتايبەت لە دەنگە ڕەیسەنەکانی وەک خاڵە تاهير تۆفيق شێخانی و حەسەن زيرەک کە پڕ بەگەروويان دەيانووت(چارۆگێ چارۆگێ...)ئينجا وەک ئيديۆم بۆ ئەوە بەکارهاتووە بوترێت بەکراسی بەرمەوە لەماڵی باوکم هاتمە دەرێی هيچم لەگەڵ خۆم نەهێنا و نەبرد و پێيان نەداوم.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,038 mal angesehen