پەیامی پیرۆزبایی ساڵی نوێی کوردی و جەژنی نەتەوەیی #نەورۆز#
سەری ساڵی نوێی کوردی و جەژنی نەتەوەیی نەورۆز، لە خانەوادەی سەربەرزی شەهیدان، پێشمەرگە قارەمانەکان، کارمەندانی دامودەزگاکانی ئەنجوومەنی ئاسایشی هەرێم و گەلی کوردستان پیرۆز دەکەم.
ئەم جەژنە نەتەوەییە، بۆ ئێمەی گەلی کورد مانا و تایبەتمەندی خۆی هەیە، لەلایەک دەستپێکی ساڵێکی نوێیە، لەلایەکی دیکەشەوه بەگژداچوونەوەی ستەم و بەدەستهێنانی ئازادی و سەرفرازییە.
گەلی کوردستان ئێستا بە قۆناغێکی سەختدا تێدەپەڕێت، بە خۆڕاگری و ئیرادەی ئەم خەڵکە سەربەرزەوە بەرانبەر هەموو ئەوسەختیانە وەستاینەوە، بۆیە خەڵکە خۆڕاگرەکەمان شایستەی ڕێز و سوپاسە.
دڵنیایین دەرفەتی دەربازبوون له و گرفتانە و دابینکردنی ئایندەیەکی باشترمان لەپێشە، ئەوەش بە یەکڕیزی نێوماڵی کوردستان. لەم ڕوانگەیەوە، هیوادارم جەژنی نەورۆز ببێتە ئه و دەرفەتە بۆ یەکڕیزی نێوان دڵسۆزان و تێکۆشەران، لەپێناو سەرخستنی ماف و داوا ڕەواکانی گەلەکەمان.
دووبارە جەژنتان پیرۆز.
#مەسرور بارزانی#
راوێژکاری ئەنجوومەنی ئاسایشی هەرێمی کوردستان
#20-03-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,916 mal angesehen
Schreiben Sie Ihren Kommentar zu diesem Artikel!