دواڕۆژ، ئاوارە حەمید
وەزارەتی بازرگانی و پیشەسازی تا یەک مانگی دیکە ڕێگە بە هاوردەکردنی گەنمی ئارد دەدات و بەڕێوەبەری گشتی بازرگانی هەرێمیش دەڵێت، بەهۆی بارودۆخی ئێستای هەرێمەوە ئەو بڕیارە دراوە.
بەپێی نوسراوی ژمارە 2554 کە ئەمڕۆ ڕۆژی 1ی ئاب دەرچووە، بڕیاردراوە دانەوێڵە هاوردە بکرێت.
لەخاڵی یەکەمی نوسراوەکە کە ئاڕاستەی بەڕێوەبەرایەتی گشتی بازرگانی کراوە، باس لەوەشکراوە کە ڕێگە بە هاوردەکردنی گەنمی ئارد کراوە بۆ ناو هەرێمی کوردستان تاوەکو 1 ئەیلولی 2017، بە هەموو جۆرەکانیەوە بۆ کۆمپانیاکانی بازرگانی گشتی و ئاشە بازرگرانییەکان.
لە نوسراوەکە باس لەوەشکراوە، کە دوای 1ی ئەیلول هەڵسەنگاندن بۆ بارودۆخەکە دەکرێت و ئینجا بڕیاری تر دەدرێت، هاوکات باس لە هاوردەکردنی گەنمی وردکراو و ساغی تایبەت بە ئالیکیش کراوە.
نەوزاد ئەدهەم، بەڕێوەبەری گشتی دیوانی وەزارەتی بازرگانی و پیشەسازی بە دواڕۆژی ڕاگەیاند نوسراوەکە گرنگە بۆ ئەوەی ئەو بارودۆخەی لە ئێستادا لە بازاڕ دروستبووە، نەمێنێیت.
وتیشی، لە بازاڕ سیاسەت حوکم دەکات و ئەم بارودۆخە کاریگەریی لەسەر بازاڕ دروستکردووە، بۆیە ئاسانکاری نەک تەنها بۆ گەنم، بەڵکو بۆ کەلوپەلی تریش کراوە.
01-08-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,085 mal angesehen
Schreiben Sie Ihren Kommentar zu diesem Artikel!