هەنگوینیترین پارێزگای ئێران، پارێزگای ورمێیە و شاری خۆی لەو پارێزگایەدا چالاکترین ناوەندی بەرهەمهێنانی هەنگوێنە. بەرپرسی کشتوکاڵی پارێزگای ورمێ ڕایگەیاند:ئەو پارێزگایە بە بەرهەمهێنانی 18 هەزار و 500 تەن هەنگوین ئەمساڵیش وەک چەند ساڵی ڕابردوو نازناوی یەکەمی لە ئاستی وڵاتی ئێران بەدەستهێناوە. عەلی موختاری، بەرپرسی کشتوکاڵی پارێزگای ورمێ وتی: ڕێژەی بەرهەمهێنانی هەنگوین لەو پارێزگایەدا، لەسەدا 29- ی بەرهەمهێنانی هەنگوین بووە لە وڵاتی ئێران. موختاری بە ئاژانسی ئیرنای گوت: شارەکانی ورمێ، خوی و چایپارە، چالاکترین ناوەندەکانی بەرهەمهێنانی هەنگوینن لەو پارێزگایە و شاری خۆی بە بەرهەمهێنانی زیاتر لە 9 هەزار و 600 تەن هەنگوین، زیاتر، لەسەدا 50-ی هەنگوینی پارێزگای ورمێی بەرهەمهێناوە. هەروەها ئەو پارێزگایە بە 860 هەزار کەنووی پێشکەوتوو و 90 هەزار کەنووی خۆماڵی، نازناوی یەکەمی بەدەستهێناوە لە ڕێژەی کەنووی پێشکەوتوو لە ئێراندا.
02-01-2014
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,636 mal angesehen