قیڕەی بڕی
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (قیڕەی بڕی)، دەنگی زریقە و زریکەی باڵندە و پەلەوەرە، هەندێکجار کەوتنی دەنگی مریشکه، چەقەڵ مێمڵی مریشکە کاتێک دەیگرێت شوێنی زۆر هەستیاری دەگرێت یان مل و گەرووی یان پشتی ملی، بەمەش دوا هاواری مریشکەکە قیڕەیەک دەبێت، بە نەمانی ئەو قیڕەیە ئەوا چەقەڵەکە کاری خۆی کردووە، ئەوە بووە بە ئیدیۆم و ئەگەر کەسێک خۆی بەشت بزانێت و خۆی هەڵبکێشێت، کەسێکی لە خۆی بەتواناتر و زاڵتری لێ پەیدا بێت و دەمکوتی بکات، بەتەوسەوە دەوترێت: قیڕەی بڕی.[1]