ئەوەی بەتەمای کاسەی دراوسێ بێ، یان بەر لە شام یان دوای شام دەبێ.
کاسە: دەفرێکی قوڕین یان دارینە چیشتی تێدا دەخورێت (فەرهەنگی خاڵ)، شام: مەبەست لە کاتی نانخواردنە بەتایبەتیی ئێوارە، لە کوردەواردا پەیوەندی کۆمەڵایەتی توندوتۆڵە و لە ئاستێکی بەرزدایە، نەریت وایە کە ژەمی ئێواران ماڵان کاسە و کەوچک دەکەن، ماڵێک قاپێک چێشت بۆ هاوسێکەی دەبات، ئەویش بۆی دەنێرێتەوە. مەبەست لەوەیە گەر ماڵێک خۆراک ئامادەنەکات، بەتەمای چیشتی هاوسێ بێت، لەوانەیە بۆی نەیەت و بێشێو سەربنێتەوە. [1]