کورد دلۍ چەرخەکا تاریخینە
بەشۍ: دوەسەڎ و پەنجەمە
نویستەی: #هاوڕێ باخەوان#
ساڵەو (1885ز):
* شېخ موستەفا بابە ڕەسولی بەرزنجی شاعېر ئەچی ساڵېنە کۊچی دمایینش کەردەن.
* عەبدوڵڵا فاتەکەی شېخانی شاعېر، ئەچی ساڵېنە کۊچی دمایینش کەردەن.
* شېخ حوسێنی کانی مشکانی شاعېر، ئەچی ساڵېنە کۊچی دمایینش کەردەن.
* موحەمەڎ موهری، ئەچی ساڵېنە ئامان دنیا.
* میرزا ئەبولقاسم لاهوتی کرماشانی دلۍ کرماشانینە ئەچی ساڵېنە ئامان دنیا.
* دمای ئی ساڵېوە، پەی یەکەمین جاری کەسێ بە نامۍ مەلا غەفوری جە ئێرانۆ چاییش ئاردەن پەی سلێمانی، ئیتر نامبریا نامۍ نریان (مەلای چایی)، وەڵۍ ئانەیە خەڵکی تەنیا قاوە وەرېنێ.
* گۊرانیواچ ئۊسا یەحیای ناڵبەڼ، ئەچی ساڵېنە ئامان دنیا.
* مەلا موحەمەڎ ساڵحی فەخرولعولەمای سنەیی شاعېر، ئەچی ساڵېنە کۊچی دمایینش کەردەن.
* ئوسو ئاغاو عەبدوڵڵا ئاغای، ئەچی ساڵېنە ئامان دنیا.
* ساڵح قەفتان، نویسەر و تاریخنویس ئەچی ساڵېنە دلۍ شارو سلێمانینە ئامان دنیا.
* گۊرانیواچ مەلا کەریم ئەحمەد، ئەچی ساڵېنە ئامان دنیا.
* شېخ حەمەئەمین شېخ عەبدوڵڵای شاعېر، ئەچی ساڵېنە دلۍ شارو سلێمانینە ئامان دنیا.[1]