ناونیشانی بابەت: شیرپێدان و بەڕۆژووبوون لە مانگی ڕەمەزان
ناوی نووسەر: د. #کەژان کاوە تەها#
زۆرێک لە خانمان پرسیاری ئەوەیان لا درووست دەبێت کە ئایا دەتوانن ڕۆژووبگرن و شیربدەن بە منداڵەکەیان لەم مانگەدا یان نا ، لێرەدا باسی کاریگەریی ڕۆژووگرتن دەکەین لەسەر شیرپێدان:
بەشێک لە توێژینەوەکان دەریانخستووە کە ڕۆژووگرتن کاریگەریی نەرێنی دەبێت لەسەر شیرپێدان بە جۆرێک کە بڕی شیر کەم دەبێتەوە بەهۆی نەخواردنەوەی ئاوی پێویست، وە ئەم کەم بوونەوەیە بۆ منداڵی خوار 6 مانگ کاریگەریی خراپی دەبێت لەسەر تەندرووستی و گەشەی منداڵەکە چونکە لەم تەمەنەیا سەرچاوەی وەرگرتنی خۆراکەماددەی پێویست بۆ گەشەی منداڵ بریتییە لە شیری دایک.
وە بۆ ئەو دایکانەی منداڵەکەیان تەمەنیان سەرووی 6 مانگە و دەتوانرێ سوپ و خواردنی تریان پێ بدرێت جگە لە شیری دایکیان دایکەکە دەتوانێت بەڕۆژووبێت ئەگەر هیچ کێشەیەکی تەندرووستی نەبێت وەکوو بەرزی فشاری خوێن یان شەکرە چونکە وەستاندنی خواردن و خواردنەوەی ئاو و دەرمانەکانی کاریگەریی خراپی دەبێت لەسەر تەندرووستی دایکەکە. [1]