بۊنەو کۊچو شېرەپیاو کوردی
بۊنەو ساڵڕۆ کۆچوو شېرە پیاو کوردی و مامۊساو پایە بەرزوو شەرەفی و زوانی ئەۮاییەو یاۮمانێوە (خاطره) چا ڕەحمەتیتا کۊرنۊوە پەی:
ساڵەو (1358) ڕۆجیاری بەرنامەو (برون مرزی) تارانی بەشی کوردینە بێنێ، حەفتەی دوێ کەڕەتێ مامۊسا هەژاری دارا تەشریف ئارێ و بەرنامەیوە تارێخی دەربارەو کوردەواریەو پېشکەش کەرۍ، فرە وەختێ دماو برنامەکەیش دەورەش وەنە دێنمێ باسێوە وە یام قسێوە مەکینەی پەڕ مۆچیاریەما جە ژیوای پەڕ سەخڵەتیش عەنتیکەخانەو ویروو هۊشیشنە ئارێ بەر و کۊرنێماوە پەی، جارێشا فەرماواش: چوار دەوڵەتەکەو: ئێران و عێراق و تورکیە و سووریەینە قاچاخ بێنێ، ڕوێ دێمەشقنە ماشینوو خەتینە بێنێ و کەل و پەلێوە فرەم پەنە بۍ، ڕایچ نەبۍ بنیشورە، کەل و پەلەکەم نېیا وەروو پەیاموو دەسېوەم گېرت مێڵەو ڕاڕەوەکەی و کاتیلەی ماسیچ پەو دەسەکەمەو هەتا نەمجیۊ، دلۍ ڕەینە ڕانندەکە تورمزێوەش گېرت، پاسەش شۆکنانیوە کاتیلە ماس دەسمەو پڕا و مجیا سەرەو کابرای عەرەبیرە، منیچ نە ڕوەم بۍ سەڕوش وەنە پەڕکېشی کەرېنێ داواو چەنە وېیەردەیش وەنەکەروو،
کابرا دماوئانەیە چڕ و چەمەش پاک کەردەو دیام پەی و واتش: هەژار ئەم پەنەیشت دا!
مەگیرە کوردا.[1]