هاوارو زاڕۊڵاو هۆرامانی .
هۆرامانما ڕەنگینەن، وەڵاتمانە شیرینەن
ئامان زوان نەفاڕدێ، دڵوو ئېمە نەماڕدێ
هەر کەس پارێزنۆ زوانش، ئەقڵ و فامبۊ مێمانش
زوانی ئەڎایی هەر جە لەمەو ئەڎاینە دلێ مەژگوو زاڕۆینە بە ژنەوتەی دەنگو ئەڎایش قەوارە گېرۆ و بۊ بە بەشێوە جیاوەنەکریا جە بېیەی (وجووڎ) و زاڕۆی. پیجۊرە تاومۍ بواچمێ بی ئی لا و ئۆ لا و سەر بنەماکاو زانشتوو بیۆلۆژی و هەرپاسە زانشتوو پەروەردەی زوانی ئەڎایی چەنی زاڕۆی پێڎابۊ.
مافوو وانای و پەروەردەی بە زوانی ئەڎاییچ پېسەو مافێوی سرووشتی و سەرەتایی ئانزانی چەنی زاڕۆی پێڎابۊ. پاشێل کەردەی مافوو وانای و پەروەردەی بە زوانی ئەڎایی بەبۍ گومانە پاشێلکەردەی مافە سرووشتیەکاو ئانزانین و تاوانکارین وەرانوەروو مافەکاو ئانزانیەو. پاشێلکەراو مافوو وانای و پەروەردەی بە زوانی ئەڎایی تاوانکارېنێ و یاگێشا دادگاو تاوانکاراو پاشێلکەراو مافوو ئانزانین.
فیلم: فێرگەو وانای و نویستەی بە زوانی ھەورامی بە ئێبتکاروو ئەنجومەنی فەرھەنگی ڕۆجیاری جە مەریوان. دەستا وەشبۊ، نموونەتا فرەبۊ.
موختار کەریمی.[1]