بەڕێوبەرایەتی گشتیی هەواڵگری و ئاساییشی سەربە وەزارەتی بەرگری ئێراق بە هاوکاری بەڕێوەبەرایەتی گشتی #دژەتیرۆر#، دەستگیرکردنی چوار تیرۆرست ڕادەگەیەنێت.
لە ڕاگەیەندراوێکی بەڕێوەبەرایەتی گشتی دژەتیرۆر ڕاگەیەنراوە: لە بەدواداچوونی بەردەوام بۆ دەستگیرکردنی لە یاسادەرچووان و تیرۆرستان، پاش دەستکەوتنی زانیاری هەواڵگری ورد سەبارەت بە بوونی ژمارەیەک تیرۆرستی داواکراو کە تێوەگلابوون لە ژمارەیەکی زۆر کاری تیرۆرستی، بە هاوکاری بەڕێوبەرایەتی گشتیی دژەتیرۆر لە #سلێمانی#، توانرا 4 کەس لەو داواکراوانە دەستگیربکرێن.
ئەوەش ڕاگەیەنراوە: ئەو کەسانە ئەندامی ڕێکخراوی تیرۆرستیی داعش بوون و لە دیارترین ئەو کارە تیرۆرستیانەی بەشداربوون تێیدا بریتین لە (هێرشکردنە سەر بنکەی سپایکەر، ئامادەکردنی ئۆتۆمبێلی بۆمبڕێژکراو، تەقینەوە لە #بەغدا#) سەرجەمیان بەپێی ماددەی 4ی تیرۆر داواکراوبوون و ڕێکاری یاساییان لەگەڵدا دەگیرێتەبەر. [1]