جێگری سەرۆکی پەڕڵەمانی ئێراق ڕایگەیاند، کۆبوونەوەی سبەی #13-12-2023#ی پەڕڵەمانی ئێراق بۆ ھەڵبژاردنی سەرۆکی نوێی پەڕڵەمانی ئێراق بۆ کاتێکی نادیار دواخرا.
دکتۆر #شاخەوان عەبدوڵڵا#، جێگری سەرۆکی پەڕڵەمانی ئێراق وتی: بڕیاربوو سبەی 13-12-2023 پەڕڵەمانی ئێراق کۆبێتەوە و تێیدا سەرۆکی نوێی پەڕڵەمانی ئێراق دیاری بکرێت، بەڵام سەرۆکایەتی پەڕڵەمانی ئێراق دانیشتنی سبەی دواخست.
لەبارەی ھۆکاری دواخستنی کۆبوونەوەکەش، دکتۆر شاخەوان ڕایگەیاند، بەھۆی لەبەرچاوگرتنی دۆخەکە و سەرقاڵبوونی ئەندامانی پەڕڵەمانی ئێراق بە ھەڵبژاردنی ئەنجوومەنی پارێزگاکان و داواکاری زۆرێک لە کوتلەکان کە ناتوانن لە کۆبوونەوەی سبەی ئامادەبن، سەرۆکایەتی پەڕڵەمان بڕیاریدا کۆبوونەوە بۆ ھەڵبژاردنی سەرۆکی پەڕڵەمان بۆ کاتێکی نادیار دوابخرێت. [1]