هەواڵی فەرهەنگی
نویستەی: #سابیر عەزیزی#
ڕۆ یەک شەمەی ڕیکەوتوو (21 ڕەزبەری)، سەعات یەریو نیم تاکو پەنج، پانیلیوە پەی ئاشنایی فرەتری سەرو فەرهەنگ و ئەدەبېیاتی جە دەنیای مەجازی وئینتیرنیتی، جە دەفتەرو ئەنجومەنو ڕۊجیارینە بە بەشداری تاقمێ جە لایەنگراو و بەریبەراو سایتو ویبلاگچیەکاو مەحالو هۆرامانی لوا ڕاوە. سەرەتا کاک هۆمایون محەمەدنیژاد جە بارەو ویبلاگ نویسی جە هۆرامان باسێوەش بەیان کەردو جە دریژەو پانیلەکەینە کاک ئیبرایم شەمس سەرو ڕۆتو میژویی ویبلاگی بە تیروتەسەلی باسێ عالش بەیان فەرماوا، دماتەر کاک سوبحان خالدی شېعرێش پیشکەش کەردە، وجە ئیدامەنە بەریزا عەلیپور وعلی بەهرامی بە وەڵامدایۆ پەرسە جۊراوجۊرەکاو بەشدارا، بەشدارێ ئی گلیروبېیەیشا کەرد. لازما واچو ئەرکو لوای ڕایو ئی پانیلیە سەرو شانو سابیر عەزیزی بێ. ئەنجومەنو ڕۊجیاری ڕۊ چوار شەمەو هەر حەفتەیە جە دەفتەرو ویشەنە گلیربیە ئەدەبی وفەرهەنگیە تایبەتیش هەنێ ، بەشداری شمەی ئازیزی ڕازینەرو دڵوەشکەرمانە.[1]