بۆ هەر 24 کاتژمێرێک، 8 کاتژمێر خەو پێویستە، بۆ ئەوەی جەستە چالاک بێت و بتوانێت کارەکانی ڕۆژانە جێبەجێ بکات، بەڵام چی ڕوودەدات ئەگەر بۆ ماوەی دوو ڕۆژ (48 کاتژمێر) نەخەویت یان زۆر کەم بخەویت.
=KTML_Bold=ئەم گۆڕانکارییانە بەسەر جەستەدا دێت:=KTML_End=

1. هەست بە شەکەتی دەکەیت، بەشێوەیەک کە ناتوانیت بە باشی و بەڕوونی بیربکەیتەوە.
2. جەستەت توانای ئەنجامدانی کارەکانی ڕۆژانەی نامێنێت، ئیدی لە قوتابخانە بێت یان شوێنی کار
3. مەترسی تووشبوون بە ڕووداو زیاد دەکات، بەتایبەتیی ڕووداوی هاتوچۆ ئەگەر لەو کاتانەدا شۆفێری بکەیت.
4. توانای مێشکت کەم دەبێتەوە، یادەوەریت لاواز دەبێت و کێشەی فێربوونت دەبێت.
5. گۆڕانکاری بەسەر باری دەروونیتدا دێت، وەکوو تووشبوون بە خەمۆکی، دڵەڕاوکێ و دوودڵی.
6. مەترسی تووشبوونت بە گرفتی تەندرووستی بۆ زیاد دەبێت، وەکوو تووشبوون بە نەخۆشی دڵ، شەکرە و پەستانی خوێن.
7. دەبێتە هۆی تێکچوون و ناهاوسەنگبوونی هۆڕمۆنەکانی جەستە و هۆڕمۆنی سترێس لە جەستەدا زیاد دەکات.
8. سیستمی بەرگری جەستەت لاواتز دەبێت و زوو تووشی نەخۆشی دەبیت. [1]