گوێ پاککەرەوە لەگەڵ ئەوەی چەندین جۆری هەیە، بەڵام باوترین جۆریان لە دار و لۆکە درووستکراوە و گوێیەکانی پێ خاوێن دەکرێتەوە، کە ئەم ڕێگەیە سەلامەت نییە و ئەگەری هەیە چەندین گرفتی تەندرووستی بەدوای خۆیدا بهێنێت.
=KTML_Bold=مەترسییەکانی بەکارهێنانی گوێ پاککەرەوە:=KTML_End=
1. گوێ پاککەرەوە پاڵ بە مۆمی گوێ دەنێت بۆ لای پەردەی گوێ، ئەگەری هەیە ببێتە هۆی هەوکردنی گوێچکەی ناوەڕاست و گیرانی کەناڵی گوێ.
2. ئەگەری هەیە کەناڵ یان پەردەی گوێ بریندار بێت و ببێتە هۆی لەدەستدانی هەستی بیستن.
3. دەکرێت پارچەی لۆکە یان دار لە گوێ جێبمێنێت و پێویستی بە سەردانکردنی پزیشک هەبێت.
شارەزایان ئامۆژگاری خەڵکی دەکەن، خۆیان بەدووربگرن لە بەکارهێنانی گوێ پاککەرەوە، پارێزراوترین ڕێگە ئەوەیە بهێڵیت گوێت بە سرووشتی خۆی خاوێن بێتەوە، دەتوانیت بە پەنجە یان بە کلینێکسێک چواردەوری گوێت خاوێن بکەیتەوە بە بێ ئەوەی بیبەیتە ناو کەناڵی گوێ. [1]