بەیتا دنێ
ب دەستوری خودێ
خەوا قەلپی عەمەل بێژی
مجد پالده سەر بێلگی
خەوا بێ شەهدەیی قەوی عارە
* * *
خەوا بێ شەهدەیی قەوییە غوسە
وی نه ناڤە و نە ناموسە
دکانا خواجەیه روسه
چما خواجەی قەلبداره
* * *
چما خواجەی کێم دەبرە
ئه و مەعنیا ناکه ژ قەبره
تژی تۆزە و تژی غەبرە
تژی ماره ، تژی مۆره
* * *
سەر هەڤ رەنگە ، گەلەکی تەنگە
قەوی تەنگە ، قەوی کوره
هون قەبری ژ خۆ نەکەن دورە
ل ڤێ مالە و ل وێ وارە
* * *
دلۆ بو پایز ل ڤان وارا
خزام وەشیانە بن دارا
ل مێرگا بوە خوێن صاره
دێ چی ل مە کن گەلی یارە !
* * *
دنێ گەور بوو ژ خون صارێ
ژ صەرمایێ ژ یا صارێ
ئەم سەفاتیەکێ ناکن ژوان وارا
هەوایی لمه زەر کرن داره
* * *
خزێم سۆتن ژ صەرمایێ
رەونەق رەڤی ژ دنیایێ
ژ بۆش ئاڤا ، دەنگ ژێ نایێ
مه نه کاننی مان و نه ئەنهار
* * *
دلۆ بەهار بوهری ئاڤ کێم بوو
هەزار بەهار ل بەر چێم بوو
پاییز هات و گول دێم بوو
وەراندن پەلک و مۆغارە
* * *
نه پەلچوم ما و نه سونبل ما
نه رەحان ماو نه سۆر گول ما
نە هەڤرێ ما و نە هەڤال ما
تنێ من حەیف ژ وان خوارە
* * *
نه هەڤرێ ما و نە هەڤال ما
نە ئالایێ سیێ خال ما
حەیفا من تێ ل وان خوانا
* * *
من بێ حەیفا من تێ ل وان تشتا
خۆزی ئەو تشت نە هێڤشتا
یاسمینە د نامدارە
* * *
نه چیچەک مان نه یاسمین مان
نه زۆزانێت درەنگین مان
نە عابدێت د خەتخوین مان
نە ئادار ما نە نیسان مان
* * *
دلۆ بۆری ل نیسانێ
هەوایێ وان مەها مە دی کانێ؟
بوویە ئیلۆن ل زۆزانێ
مە نە کانی مان و نە ئەنهارە
* * *
ئەم د کێمن خودێ یێ تەمامە. [1]