قەلێ شەقەسەرێ
ب دەستوری خودێ
ئه و نەسیحە‌تێت ڤی بابزەری
گاڤا مێڤان هات و حەدری
جایزه ژ پێشڤە بشکری
وەکا‌زی ژ دەستی بگری
نه کۆ ب چاڤەکی ب کەنی ، ئێکی بگری
وەیه وەکی هەفت مری ژ مالێ مری
* * *
سەر مالخۆیێ مالێ وە فەرزە
گاڤا مێڤان هاتە ژ دەرڤە
جایزه رابی ژ بەرڤە
نەکو ئێکی نە خوندی بێت ب سەر ڤە
* * *
نه کۆ ل خۆ فراکەی زگ
ئو بێیە خوارنێ ب رک
خەلکێ دۆرا چاڤ ل نک
* * *
نه کۆ زگی ل خۆ ب کەیە طێری
چۆکا ل عەردێ راهێلی
جایزه ل دۆر خۆ و هەڤالا بنێری
* * *
نه کۆ ل عەردێ ب قوتی ئەژنۆوا
پاری بدەیه ناڤ پدووا
جایزه پاڤێژیە پشت ستۆ و رووا
* * *
چی عەجێبەکە دژوارە
مرۆڤێ خوارنێ دخۆت یی بێ پەرگالە
خالقێ دۆرایی شەرمەزارە
* * *
وه فەره سەر میرێ مەجلسێ
جایزه رۆژێ سێ جارا ل دیوانا خۆ بپرسێ
گەلۆ ; کێ خواریە و کی مایە برسی ؟
* * *
میرۆ تە ڤێ ئەیناتێ
جایزه رۆژێ سێ جارا پرس بکە ل جڤاتێ
گەلۆ ; کێ خواریە و کی مایە و کی نە هاتێ ؟
* * *
ئەز نەبینم مێرێ ب عینات
هەکه مالخۆ ل نک چۆ شکیات
دێ ژ دەستێ هەردوا خرابت وەلات
* * *
ئەز نەبینم مێرێ ب تنێ
کالێ بکەت زنێ
ئو مێرێ ل بن حوکمێ ژنێ
* * *
ئەز نەبینم ممیرایێ بەڕانی
ئولاغا گارانی
حەرمەتا بتنێ بچتە کاروانی
* * *
ئەز نەبینم دەوێ طرش لینا
شایێت کەڤنە کۆنا
حەرمەتا بەلبەله بچیته شینا
* * *
ئەز نەبینم ئاڤا بکار پرک
حەرمەتا ب چینچرک
مالخۆیێ مالێ یی کەبو گرک
* * *
ئەز نه بینم وارێ بەر ب زنار
ئو سالا دوو بەهار
کالێ ب گوهار ، پیرە ژنا ب یار
ئەم د کێمن خودێیێ تەمامە. [1]