دەس گېرە کڵاوەکېتۆ با ۋا نەبەرۊش
ئی ئیدیومۍ پەی سڵامەتی واچیێنە، یانی گەر گەرەکت بۊ بە کەسێ بواچی بەشداری هیچ ئاژاولێ یان سېیاسەتێ نەکەری، پەنەش ماچی دەس بگېرە کڵاوەکېتۆ با ۋا نەبەرۊش.
وەختێ مروڤ کڵاوەکېش ۋا بەرۊش، ئیتر سەرەش ڕووت مەبۊو ڕەنگە کەچەڵیچ بۊ، گۊش نمەڎۊنە هیچی و ملۊنە دلۍ گرد گلېربیە و کۊمەڵێوە، چەنی ئاڎییشا بەشداری کەرۊن.
ئی ئیدیۊمۍ فرەو جاری ئەڎا یان تاتەو زارۊڵا بەکارش مارانو بە زاروڵەکاشان ماچانەش، ڕۊڵە شمە هەقو هیچیتا نەبۊ، دەس بگېردۍ کڵاوەکېتاوە، چوونکوم ئانەی لوا، لوا تەمام کۍ گونېش مڎۊ خەم. یانی ئیدیۆمێ سڵامەت ئامېزەنە، بەڵام بەشێ جە خەڵکە شۊڕشگېڕەکا بە عەیبەش مزانا، ماچان ئینسان چەنی ئەشۊم دەس بگېرۊ کڵاوەکېشۆ، چەنی بۊ گرد چېو قبووڵ بکەرۊ.[1]