حازر مەڎە بە قەرز
ئی ئیدیومۍ زیاتەر دلۍ موعامەلەینە بەکار مێ، پەی نموونەی دوۍ مشتەریۍ گەرەکشانە کاڵێوە بسانان، هەردوېشان ملان پەی لاو دوکاندارێ، یۊشا زەڕی حازرش پەنەن، داواش کەرۊنو زەڕش مڎۊن، دوەمشان گەرەکشەن بە قەرز بەرۊنەش، کابرای دوکاندار ئانەشە قازانجەن هەکە بڎۊش پا مشتەریە هەکە زەڕی حازرش پەنەن، گەر بڎۊش پەویشا بە قەرز، ڕەنگە دمایی لاریۍ بڎۊ وەنەو قەرزەکەیچش فۊتیۊ، یان ڕەنگە قەرزار باریچش بکەرۊن.
ئینە هەم مۊچیاریېوەن پەی گرڎ کەسێ، کە چېوی حازر خاستەرەن جە چېوێ هەکە ئەسەرش دیار نەبۊن.
قەڎییمیا واتەن:
هەشت بێ، لە مشت بێ
نەک نۆ بێ، لە دەشت بێ.
چن زەریفشا واتەن، ئانەی کە دیار نېیەن ماڵو تۊ نېیەن، ڕەنگە نەبۊ بە نسیب، ڕەنگە نەیاویش پەنە، بەڵام حازری هینو وېتەن.[1]