جام مەڕیۊ، نەک زڕیۊ
ماڕای خەڵکی، هەرمانێ ناشیرینەو نا شەرعیەنە، کە ماچمۍ ماڕای، باسمان جە وڕنای کەس بېیەی کەسێن بە وەشکەردەی نام و ناتورێ خرابی پەیش، پېکنایۆ بۊختانا سەرش، تۊمەت بەخشایۆ دلۍ خەڵکینە، کە ئا کارۍ مەبانۍ بە هۊکارو مەڕیای کەسەکەی و سووک کەردەیش دلۍ خەڵکینە. وەڵینا واتەن: ماڕیش نەک زڕنیش، یانی کوشتەیش نەک ماڕایش، چوونکوم کوشتەی یەک جارەنو بڕیۊوە، بەڵام ماڕایش گرڎ وەخت و ساتێش هەر مەردەیەن.
بوختانی و تۊمەت وستەی پاڵو هەر کەسېو، نەک تەنیا ئا کەسە لەکەدار بۊن، بەڵکوم زارۊڵۍ و کەسە نزیکەکېچش لەکەدارۍ مەبانۍ، پېسە مزانمېچ زڕنای چېوێ، یان کەسێ بە زوویی وەڵا مەبۊوە، خەڵکی مژنەواشو پەنەش مەزانان، کەسی زڕیا گەر پېیا بۊ، یان ژەنی ئیتر دلۍ خەڵکینە هەیبەت و قەدرش وەزۊرە، توشوو خەفەتی و گۊشەگیری مەبۊن.[1]